استانادا اۋرۋ قاۋپى جوعارى ءبىراق ۆاكسينا الىپ جاتقاندار از - باسقارما
«ەگۋ پۋنكتەرى اشىلعان ساۋدا ورتالىقتارى مەن بازارلارعا كەلەتىن بولساق، بۇگىندە ولار قالا بويىنشا جەتكىلىكتى دەپ ويلايمىن. اۋرۋ قاۋپى ۆاكسينالاۋ جۇرگىزگەن كەزگە قاراعاندا جوعارى. ساۋدا ورتالىقتارىنا ۆاكسينالاۋعا كوپ ادام كەلىپ جاتقان جوق. كۇنىنە 28 ادام شاماسىندا عانا. بۇل جەتكىلىكسىز ەكەنىن تۇسىنىكتى شىعار. سەنبى- جەكسەنبىدە بارلىق ساۋدا ورتالىقتارى اشىق، وسى كۇندەرى ادامدار كوپ كىرگەنىمەن، تەك 28 ادام ۆاكسيناتسيالانعان. سوندىقتان، ازىرگە قوسىمشا ەگۋ پۋنكتەرىن اشپايمىز دەپ ويلايمىن»، - دەدى قالالىق قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى.
ءاليا رۇستەموۆا ساۋدا ورتالىقتارىنداعى ەگۋ بەكەتتەرىندە اۋرۋ جۇقتىرۋ قاۋپى تۋرالى بولجامدارعا پىكىر ءبىلدىردى.
«مەن بۇعان كەلىسپەيمىن. ساۋدا- ويىن-ساۋىق ورتالىقتارىنداعى جانە بازارلارداعى بارلىق ەگۋ پۋنكتەرى سانيتارلىق تالاپتاردى ساقتاي وتىرىپ اشىلعان. جۇمىس سانيتارلىق- ەپيدەميولوگيالىق باقىلاۋ دەپارتامەنتىمەن بىرلەسىپ جۇرگىزىلدى. قورىتىندى مىندەتتى تۇردە بەرىلەدى. دەپارتامەنت قىزمەتكەرلەرى نىسان باسشىلارىنا بارلىق قاجەتتى شارتتاردى ساقتاۋ ءۇشىن نۇسقاۋ بەرىپ وتىر»، - دەدى مامان.
اۆتور: ەسىمجان ناقتىباي
