ساراپشى مەملەكەت يميدجى نەمەن ولشەنەتىنىن ايتتى
ونىڭ پىكىرىنشە، قازاقستان وزگەلەرگە كومەكتەسۋ ارقىلى ءوز يميدجىن قالىپتاسىرادى جانە بەدەلىن وسىرەدى.
«قازىر قازاقستان بارىنشا باسقا مەملەكەتتەرگە كومەك كورسەتىپ جاتىر. بۇل مەملەكەتتىڭ بەدەلىن وسىرەدى. ءبىزدىڭ مەملەكەت وزگەلەرگە قول ۇشىن بەرگەننەن، ۇتىلمايدى. ەشتەڭەنى جوعالپايدى. ارينە، ورتامىزدا «وزگەلەرگە ەمەس، وزىنە كومەكتەسپەي مە؟» دەگەن پىكىر بىلدىرەتىندەر دە بار. بۇل دۇرىس ەمەس دەپ ويلايمىن. قازاقستان كورسەتكەن كومەكتىڭ ءبارى ەلدىڭ يميدجىنە جۇمىس ىستەيدى. ال، مەملەكەتتىڭ يميدجى دەگەن وتە قىمبات نارسە. ونى اقشامەن ولشەۋگە بولمايدى»، - دەيدى بەلگىلى ساياساتتانۋشى.
سونىمەن قاتار، ول قازاستاننىڭ وسىنداي ىزگى كومەك جاساعانى حالىقارالىق دوستىققا سەپتىگىن تيگىزەتىنىن دە تىلگە تيەك ەتتى.
«توقشىلىق كەزىندە ءبارى دوس»، دەگەندەي وسىنداي قيىن قىستاۋ زاماندا كورشى مەملەكەتتەرگە استىق، مەديتسينالىق قۇرالدار جىبەرگەنىمىز دۇرىس بولدى. وسىنداي قامقورلىقتى كورگەن مەملەكەتتەردىڭ ءىشى جىليدى. قازاقستاننىڭ وسىنداي ىزگى كومەك جاساعانى حالىقارالىق دوستىققا سەپتىگىن تيگىزەدى دەپ ەسەپتەيمىن»، - دەيدى سپيكەر.
ەسكە سالساق، قازاقستاننىڭ س ءى م قىرعىزستانعا گۋمانيتارلىق كومەك قالاي جەتكىزىلىپ جاتقانى تۋرالى ايتتى. سونىمەن قاتار، قر پرەزيدەنتى جانىنداعى قسزي حالىقارالىق زەرتتەۋلەر ءبولىمىنىڭ باسشىسى اسەل نازاربەتوۆا گۋمانيتارلىق كومەك كورسەتۋ - بۇل قازاقستاننىڭ سىرتقى ساياساتىنىڭ ماڭىزدى باعىتتارىنىڭ ءبىرى ەكەنىن جەتكىزدى.
اۆتور: الما مۇقانوۆا
