ۇلتتىق بانك: ەلىمىزدە نەسيە الۋعا سۇرانىس ءوستى
بانكتىڭ حابارلاۋىنشا، 2021 -جىلدىڭ I توقسانىندا كرەديتتىك رەسۋرستارعا سۇرانىس پەن ۇسىنىستىڭ نەگىزگى ۇردىستەرى جايىندا بانكتەر اراسىندا جۇرگىزىلگەن ساۋالناما ناتيجەلەرى بويىنشا كاسىپورىنداردان الىنعان نەسيەلەرگە سۇرانىس يندەكسىنىڭ ازداپ وسكەنى بايقالادى.
بۇعان ءىرى بانكتەردەگى بيزنەستىڭ ءىرى جانە شاعىن سەگمەنتتەرىندە نەسيەلەۋگە دەگەن سۇرانىستىڭ ەداۋىر ۇلعايعانى اسەر ەتتى. وتكەن توقسانداعىداي، «بيزنەستىڭ جول كارتاسى-2025» مەملەكەتتىك باعدارلاماسى اياسىندا كاسىپكەرلىك سۋبەكتىلەرى تاراپىنان نەسيە قاراجاتىنا دەگەن قاجەتتىلىك وتىنىمدەر سانىنىڭ وسۋىنە ىقپال ەتتى.
بيزنەس وكىلدەرىنە ونلاين قارىز بەرۋ قىزمەتتەرىن ۇسىناتىن بانكتەردىڭ سانى ايتارلىقتاي ءوستى. توقسان ىشىندە شاعىن بيزنەس بويىنشا وتىنىمدەر سانى 1,5 ەسەگە ءوسىپ، 120 مىڭدى قۇرادى، ال ءىرى بيزنەس سەگمەنتىندە - %28 عا ارتىپ، 244-كە جەتتى. ەسەپتى توقساندا ءىرى بيزنەسكە نەسيە بەرۋگە كەلگەندە جەكەلەگەن بانكتەردىڭ ىقىلاسى ءبىرشاما ءوستى جانە ماقۇلداۋ كوەففيسيەنتى 2020 -جىلدىڭ IV توقسانىنداعى %70 دان 2021 -جىلدىڭ I توقسانىنداعى %55 عا دەيىن تومەندەگەنىنە قاراماستان، 2020 -جىلدىڭ ءى توقسانىنان جوعارى دەڭگەيدە قالىپ وتىر. كەلەسى توقساندا بانكتەر ءىرى جانە ورتا بيزنەس تاراپىنان سۇرانىس ارتادى دەپ بولجايدى، ال شاعىن بيزنەس سەگمەنتىندە جاعداي كەرىسىنشە. ەسەسىنە، بانكتەردىڭ كەلەسى توقساندا بيزنەستى نەسيەلەندىرۋ شارتتارىن وزگەرتەتىن جوسپارى جوق. بۇل رەتتە يپوتەكالىق جانە كەپىلدەندىرىلمەگەن نەسيەگە دەگەن سۇرانىس تا ءوستى، ال اۆتونەسيەگە، كەرىسىنشە، ازايىپ، كەپىلدەندىرىلگەن تۇتىنۋشىلىق نەسيەگە دەگەن سۇرانىس بۇرىنعى قالپىندا قالدى. يپوتەكالىق نەسيەگە دەگەن سۇرانىس جىلجىمايتىن مۇلىك نارىعىنىڭ بەلسەندى دامۋىمەن جانە تۇرعىن ءۇي ساتىپ الۋ نەمەسە جوندەۋ ماقساتىندا زەينەتاقى جيناقتارىن الۋ مۇمكىندىگىمەن بايلانىستى ارتتى. الايدا، ماۋسىمدىق فاكتور سۇرانىستىڭ ودان دا كوبىرەك ءوسۋىن تەجەپ تاستادى. توقسان ىشىندە وتىنىمدەر سانى 22پايىزعا ازايىپ، شامامەن 75 مىڭدى قۇرادى. تۇتىنۋشىلىق نەسيە تۇرلەرى بويىنشا سۇرانىس قۇرىلىمىندا جان- جاقتى وزگەرىستەر بايقالادى. كەپىلسىز نەسيەلەرگە دە سۇرانىس ءوستى، ورتاشا چەك 5پايىزعا ارتىپ، 515 مىڭ تەڭگەنى قۇرادى. اۆتونەسيە الۋ بويىنشا وتىنىمدەر سانى 5پايىزعا، ال ورتاشا چەك 11,3پايىزعا ازايدى.
بۇل رەتتە كەپىلمەن قامتاماسىز ەتىلگەن تۇتىنۋشىلىق نەسيەلەر بويىنشا وتىنىمدەر سانىندا ەلەۋلى وزگەرىستەر بايقالمايدى. ەسەپتى كەزەڭدە بانكتەردىڭ يپوتەكالىق، كەپىلدى جانە كەپىلسىز نەسيەلەر بەرۋگە دايىندىعى بۇرىنعى قالپىندا قالدى، ءبىراق اۆتونەسيە سەگمەنتىندە ءبىرشاما تومەندەدى. بانكتەر بۇرىن بەرىلگەن قارىزداردان بوساتىلعان قاراجات ەسەبىنەن اۆتونەسيەلەر بەرۋدى جالعاستىرا باستادى جانە كەلەسى ترانشتى «قازاقستاننىڭ دامۋ بانكى» اق جەڭىلدەتىلگەن باعدارلاماسى اياسىندا الداعى توقساندا الۋعا نيەتتى.
2021 -جىلدىڭ II توقسانىندا بانكتەر يپوتەكالىق جانە كەپىلسىز نەسيەگە سۇرانىس وسە بەرەدى دەپ كۇتەدى. سونىمەن قاتار، بانكتەر اۆتونەسيە بەرۋ شارتتارىن جەڭىلدەتۋدى دە جوسپارلاپ وتىر. 2021 -جىلدىڭ I توقسانىندا نەسيەلەۋ بويىنشا بانكتەر اراسىندا انكەتالىق تاسىلمەن جۇرگىزىلگەن ساۋالناماعا ەكىنشى دەڭگەيدەگى 23 بانك قاتىستى، بۇل رەتتە ولاردىڭ 10 ىمەن قوسىمشا سۇحبات جۇرگىزىلدى. ۇلتتىق بانك كرەديتتىك رەسۋرستارعا سۇرانىس پەن ۇسىنىستاعى وزگەرىستەردى باعالاۋ ماقساتىندا مۇنداي ساۋالنامانى توقسان سايىن جۇرگىزەدى.
