ەربولات دوسايەۆ قۇنسىزدانۋعا قاتىستى تۇسىنىك بەردى

نۇر-سۇلتان. قازاقپارات - ۇلتتىق بانكىنىڭ ءتوراعاسى ەربولات دوسايەۆ ينفلياتسيانىڭ نىسانالى دالىزىنە قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

«قازاقستاندا ۇلتتىق بانكتىڭ كاسىپورىندارعا جۇرگىزەتىن ساۋالناماسى ۇلتتىق ەكونوميكانىڭ قالپىنا كەلە باستاعانىن كورسەتەدى. بيىلعى جىلعى 1-توقساندا ىسكەرلىك بەلسەندىلىك يندەكسى 2020 -جىلدىڭ باسىنان باستاپ العاش رەت ءوسۋ ايماعىنا (50+) ءوتتى. بيىلعى جىلعى ناۋرىزدا قىزمەت كورسەتۋ سەكتورى (50,7) جانە ونەركاسىپ (50,4) تاراپىنان وڭ ۇلەس قوسۋ ناتيجەسىندە يندەكس 50,6 تارماققا، وسى جىلعى ساۋىردە 50,5 تارماققا جەتتى. مۇنايدىڭ بارىنشا جوعارى باعاسى، مەملەكەتتىڭ قولداۋ شارالارىن جالعاستىرۋى جانە جاپپاي ۆاكتسينا ەگۋدىڭ باستالۋى اياسىندا ەكونوميكانىڭ قالپىنا كەلە باستاۋى 2021 -جىلى قازاقستانداعى ەكونوميكالىق ءوسۋ جونىندەگى بولجامداردى جاقسارتۋعا مۇمكىندىك بەردى. قازىرگى قولايلى سىرتقى جاعدايلار ساقتالعان جانە قاتاڭ شەكتەۋلەر بولماعان جاعدايدا، حالىقارالىق ۆاليۋتا قورى 2021 -جىلى الەمدىك ەكونوميكانىڭ ىشكى جالپى ءونىمىنىڭ 6 پايىزعا ۇلعايۋىن، قازاقستانداعى ىشكى جالپى ءونىمنىڭ %3,2 دەڭگەيىندە ءوسۋىن كۇتەدى»، - دەدى ۇ ب باسشىسى سەناتتىڭ جالپى وتىرىسىندا.

جوعارىدا اتالعانداردى ەسكەرە وتىرىپ، ۇلتتىق بانك 2021 -جىلعا ارنالعان اقشا- كرەديت ساياساتى كورسەتكىشتەرىنىڭ جانە تولەم بالانسىنىڭ جاڭارتىلعان بولجامدارىن ۇسىندى. وسى ورايدا ۇلتتىق بانك ينفلياتسياعا قاتىستى ونىڭ 2021 -جىلدىڭ سوڭىنا قاراي %4-6 نىسانالى ءدالىزىنىڭ جوعارعى شەگىنە دەيىن باياۋلاۋىن كۇتەدى. 2020 -جىلى ينفلياتسيانىڭ %7,5 كە دەيىن ۇدەۋىن نارىقتاردا جەكەلەگەن ازىق- تۇلىك ونىمدەرى تەڭگەرىمسىزدىگىنىڭ كۇشەيۋى، كارانتيندىك شارالار جاعدايىندا شيكىزات پەن ءونىمدى جەتكىزۋ تىزبەگىنىڭ بۇزىلۋى اياسىنداعى ازىق- تۇلىك باعاسىنىڭ ءوسۋى تۋىنداتتى.

«بيىلعى جىلعى ساۋىردە قازاقستاندا ينفلياتسيا ازىق- تۇلىك ينفلياتسياسىنىڭ 10,7 پايىزدان 9,8 پايىزعا دەيىن تومەندەۋى ەسەبىنەن ەكىنشى اي قاتارىنان %7 دەڭگەيىندە ساقتالدى. ازىق- تۇلىككە جاتپايتىن ينفلياتسيا ىسكەرلىك بەلسەندىلىكتىڭ ىسكە قوسىلۋى، حالىق تابىسىنىڭ قالپىنا كەلۋى ناتيجەسىندە 5,6 پايىزدان 6,4 پايىزعا دەيىن جىلدامدادى. اقىلى قىزمەتتەر ينفلياتسياسى 3,7 پايىزدان 4,1 پايىزعا دەيىن جەدەلدەدى، بۇل جەكە قىزمەت ورىندارى قىزمەتتەرىنىڭ قىمباتتاۋ ناتيجەسىندە ورىن الدى. 2021 -جىلى ينفلياتسيا %4-6 نىسانالى دالىزىنە كىرۋ ءۇشىن ءالى دە جوعارعى كورسەتكىشتە ساقتالىپ وتىرعان ازىق- تۇلىك باعاسى ءوسۋىنىڭ باياۋلاۋى نەگىزگى فاكتور بولىپ وتىر»، - دەدى دوسايەۆ.