اتىراۋدا كاسپي جاعالاۋىنداعى قامىس ورتەندى
وبلىستىق توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، 19 -مامىردا ءتۇس مەزگىلىندە تەڭىز جاعالاۋىنداعى قامىس ءورتى تۋرالى زابار تۇسكەن.
«تەڭىز جاعالاۋىنداعى قامىس ءورتىن بارلاۋ ءۇشىن ساعات 16:00 دە «كازاۆياقۇتقارۋ» ا ق باتىس وڭىرلىك فيليالىنىڭ «مي-8 م ت ۆ» تىكۇشاعىمەن اۋەدەن بارلاۋ ۇيىمداستىرىلدى. بارلاۋ كەززىندە قامىس ءورتىنىڭ كەڭوزەك اۋىلدىق وكرۋگىنە قاراستى تاسقالا اۋىلىنان شامامەن 40 شاقىرىم قاشىقتا، كاسپي تەڭىزىنىڭ جاعالاۋىندا ەكەنى انىقتالدى. تەڭىز جاعالاۋىنداعى باتپاقتى جەردە شامامەن 32 گا اۋماقتىڭ قۇرعاق ءشوبى مەن قامىس جانعان. سونداي- اق، 10,6 گەكتار اۋماقتاعى 5 ءورت وشاعى انىقتالىپ، تىكۇشاقپەن اۋەدەن بىرنەشە رەت سۋ توگىلدى» دەپ حابارلادى دەپارتامەنتتىڭ باسپا ءسوز قىزمەتى.
قازىر قامىس ءورتىنىڭ ەلدى مەكەندەر مەن ەگىستىك القاپتارعا تارالماۋىن قاداعالاۋ ءۇشىن 2 ءورت ءسوندىرۋ اۆتوكولىگىمەن كەزەكشىلىك ۇيىمداستىرىلعان. ال، ەرتەڭ 20-مامىردا دالا ءورتىن سوندىرۋگە ارنايى ماماندار مەن تەحنيكالاردى جۇمىلدىرۋعا دايىندىق جۇرگىزىلىپ جاتىر. ەسكە سالا كەتەلىك، بۇدان بۇرىن اتىراۋ وبلىسىندا كومىر تيەلگەن جۇك كولىگى ورتەنگەن ەدى.
