سيفرلىق تەڭگەنىڭ بولاشاعى بار ما؟
پيلوتتىق جوبا ەكىنشى جارتىجىلدىقتا جۇزەگە اسپاق. قازىر ۇلتتىق بانك ءتيىستى دايىندىق جۇمىستارىن جۇرگىزىپ جاتىر. تولەم قۇرالىنىڭ بولاشاعى قانداي؟
الەمدەگى 30 دان اسا ورتالىق بانك تسيفرلىق ۆاليۋتا جايىندا تولعانىپ ءجۇر. ۇلتتىق بانك تە پيلوتتىق جوبانى قولعا الىپ، ۇلتتىق تولەم جۇيەسىن جەتىلدىرمەك. بۇل فياتتىق تەڭگەنىڭ ءۇشىنشى فورماسى. ياعني سيفرلىق ۆاليۋتا كومەگىمەن 24 ساعات كەدەرگىسىز، وففلاين تولەم جاساۋعا بولادى. جوسپار وسىنداي. قازىرگى ۋاقىتتا جوبانى ەنگىزۋدەگى تاۋەكەلدەر زەرتتەلۋدە.
ولجاس تولەۋوۆ، ق ۇ ب ءتوراعاسىنىڭ كەڭەسشىسى:
- سول تاۋەكەلدەرىن ءبىز پيلوتتىق جوبانىڭ اياسىندا زەرتتەپ وتىرمىز. ولاردىڭ ءۇش ءتۇرى بولىپ تۇر. بىرىنشىدەن، كيبەرقاۋىپسىزدىك، ەكىنشىدەن، جەكە دەرەكتەردىڭ قۇپيالىلىعىنا قاتىستى تاۋەكەلدەر. ۇشىنشىدەن، ماكروەكونوميكالىق اسەرلەرگە قاتىستى. توبىمىزدىڭ تاۋىپ قويعان نۇكتەلەرىمىز بار. ءبىراق ونىڭ ءبارى تەوريا بولىپ تۇر قازىر. ويتكەنى بىزدە دەرەك جوق، بىزدە ونداي جوبا بولماعان. سيفرلىق تەڭگە - كريپتوۆاليۋتا ەمەس. تەك ۇلتتىق بانك باقىلاۋىنداعى ءتول تەڭگەمىزدىڭ ساندىق نۇسقاسى. پيلوتتىق جوبا جىل سوڭىنا دەيىن جۇزەگە اسادى.
ولجاس تولەۋوۆ، ق ۇ ب ءتوراعاسىنىڭ كەڭەسشىسى:
- سيفرلىق تەڭگەنى پايدالانۋ ءۇشىن بىزگە ارنايى ەلەكتروندىق ءاميان قاجەت بولادى. ونى گادجەتتەرگە ەنگىزىپ قويۋعا بولادى. سىزدە ينتەرنەت بار كەزدە ءسىز سيفرلىق تەڭگەنى ءاميانعا اۋدارىپ الاسىز، ينتەرنەت بولماسا دا، ءسويتىپ پايدالانا الاسىز.
ماماندار سيفرلىق تەڭگەنىڭ ترانسشەكارالىق تولەمدەردى ارزانداتاتىنىنا سەنىمدى. ازىرگە جوبانىڭ وڭ- سولى تارازىلانىپ جاتىر. ەڭ باستىسى، تۇتىنۋشى ساندىق ۆاليۋتا قىزمەتىن قولدانۋ- قولدانباسىن ءوزى شەشەدى.
www.24.kz
