22:30, 19 - مامىر 2021 | GMT +5
ۆاكسينا سالدىرعان قانشا قازاقستاندىق كوروناۆيرۋس جۇقتىردى؟
نۇر-سۇلتان. قازاقپارات - قازاقستاندا كوروناۆيرۋسقا قارسى ۆاكسينانىڭ ەكىنشى كومپونەنتىن سالدىرعاندار اراسىندا 104 ادام كوروناۆيرۋس جۇقتىرعان.
بۇل رەتتە ۆەدومستۆو وكىلدەرى بارلىق پاتسيەنت ۆيرۋستى ۆاكسيناتسيا كەزەڭىندە جۇقتىرعانىن اتاپ ءوتتى، - دەپ حابارلايدى Tengrinews.kz ءتىلشىسى.
«ءبىز ۆاكسيناتسيادان كەيىن، ءبىرىنشى جانە ەكىنشىسى كومپونەنتتەن كەيىنگى سىرقاتتانۋشىلىققا مىندەتتى تۇردە مونيتورينگ جۇرگىزەمىز. جالپى ەلىمىز بويىنشا ءبىرىنشى كومپونەنتتەن كەيىن اۋرۋدىڭ 541 جاعدايى تىركەلدى. ەكىنشى كومپونەنتتەن كەيىن - 104 جاعداي»، - دەدى دەنساۋلىق ساقتاۋ مينيسترلىگى سانيتارلىق-ەپيدەميولوگيالىق باقىلاۋ كوميتەتىنىڭ ءتورايىمى ايجان ەسماعامبەتوۆا.
ول بۇل اقپاراتتى «دۇرىس ءتۇسىندىرۋ كەرەك» ەكەنىن ايتتى. سەبەبى بۇل ادامدار ينكۋباتسيا كەزەڭىندە - 14 كۇن ىشىندە اۋىرعان.
