17:01, 19 - مامىر 2021 | GMT +5
توكيوداعى وليمپيادا ويىندارىنا قازاقستان قانشا قاراجات ءبولدى
نۇر- سۇلتان. قازاقپارات - ورتالىق كوممۋنيكاتسيالار قىزمەتىندە وتكەن بريفينگىدە ق ر مادەنيەت جانە سپورت ۆيتسە- ءمينيسترى ەرلان قوجاعاپانوۆ توكيوداعى وليمپياداعا ق ر وليمپياداشىلارىن دايىنداۋعا جانە قاتىستىرۋعا قانشا قاراجات جۇمسالاتىنىن ايتتى، دەپ حابارلايدى قازاقپارات ءتىلشىسى.
«ءبىز بۇل باعىتتا ۇلتتىق وليمپيادا كوميتەتىمەن بىرلەسىپ جۇمىس ىستەپ جاتىرمىز. قۇرىلعان ۇلتتىق قۇرامالار سوندا شوعىرلانعان. بارلىق قاراجات ۇلتتىق وليمپيادا كوميتەتى ارقىلى وتەدى. بىزدە تەك وليمپيادالىق ەمەس سپورت تۇرلەرى قالدى. ۇلتتىق وليمپيادا كوميتەتى مينيسترلىك ارقىلى توكيودا وتەتىن وليمپيادا ويىندارىنا شامامەن 15 ميلليارد تەڭگە بولەدى»، - دەيدى ەرلان قوجاعاپانوۆ.
ونىڭ ايتۋىنشا، 2016 -جىلى ريو- دە- جانەيرودا وتكەن وليمپيادا ويىندارىنا شامامەن 6 ميلليارد تەڭگە جۇمسالعان.
اۆتور: زارينا قاھارمان
