قىتايدا «دىرىلدەگەن» ءزاۋلىم عيمارات كوپشىلىكتى قورقىتتى - ۆيدەو
قالادا دا، جاقىن ماڭدا دا ەشقانداي جەر سىلكىنىسى بولماعانى اتاپ ءوتىلدى، دەپ حابارلايدى قازاقپارات Global Times-قا سىلتەمە جاساپ.
«دىرىلدەگەن» عيمارات ءتۇسىپ قالعان ۆيدەو سەيسەنبى كۇنى Sina Weibo الەۋمەتتىك جەلىسىنەن تارالىپ، كوپ قارالىم جيناعان. بەينەجازبادان بيىك عيمارات دىرىلدەي باستاعاندا ادامداردىڭ قورقىپ، جان-جاققا قاشقانىن كورۋگە بولادى. عيمارات الدىنداعى الداڭ ۋاقىتشا جابىلعانى حابارلاندى. وقيعانى ءورت ءسوندىرۋ قىزمەتى مەن پوليتسيا تەكسەرىپ جاتىر. سەيسەنبى كۇنى كۇندىز Sina Weibo-نىڭ رەسمي اككاۋنتىنداعى جەرگىلىكتى ۇكىمەتتىڭ مالىمدەمەسىندە كەشە جەرگىلىكتى ۋاقىت بويىنشا 12:31-دە عيماراتتىڭ دىرىلدەگەنى تۋرالى الاڭداعى كەزەكشى قىزمەتكەرلەرگە حابارلانعانى ايتىلعان.
سودان كەيىن عيمارات اكىمشىلىگى شۇعىل ەۆاكۋاتسيا تۋرالى ادامدارعا جەدەل تۇردە حاباردار ەتكەن. ساعات 13:55-تە بارلىعى قاۋىپسىز جەرگە كوشىرىلدى. ءزاۋلىم عيمارات ورنالاسقان فۋتيان اۋدانىنىڭ ۇكىمەتى توتەنشە جاعدايدى جويۋ ءۇشىن دەرەۋ شارالار قابىلدادى. عيماراتتىڭ قاۋىپسىزدىگىن تەكسەرۋ ءۇشىن ساراپشىلار شاقىرىلدى. الدىن الا تەرگەۋ ناتيجەلەرى جاقىن جەردە جارىقشاقتار بولماعانىن انىقتادى، سونداي-اق قابىرعا پانەلدەرىنىڭ قۇلاۋ جانە ولارعا زاقىم كەلتىرۋ بەلگىلەرىن دە انىقتامادى، دەپ حابارلايدى Weibo.
وقيعانىڭ ءمان- جايى مەن سەبەپتەرى بويىنشا قوسىمشا تەرگەۋ امالدارى جۇرگىزىلۋدە، ولار ۋاقىتىلى جاريا ەتىلەتىن بولادى. عيمارات ساعات 13:30-دا دىرىلدەۋىن توقتاتتى، عيماراتتىڭ نەگىزگى قۇرىلىمىندا جانە ونىڭ اينالاسىندا قاۋىپسىزدىك نورمالارىنان اقاۋلار تابىلعان جوق، دەپ حابارلادى قالالىق تۇرعىن ءۇي- قۇرىلىس بيۋروسى سول كۇنى رەسمي Weibo اككاۋىنتىندا.
اۆتور: اياۋلىم التىنبەك
