قازاقستان ازاماتتىعىنان ايىرۋ تارتىبىنە وزگەرىستەر ەنگىزىلدى

نۇر-سۇلتان. قازاقپارات - زاڭناماداعى قازاقستان رەسپۋبليكاسىنىڭ ازاماتتىعىنان ايىرۋ تارتىبىنە وزگەرىستەر ەنگىزىلدى، دەپ حابارلايدى قازاقپارات ءتىلشىسى.

ق ر پرەزيدەنتىنىڭ 2006 -جىلعى 10-قازانداعى «قازاقستان رەسپۋبليكاسى پرەزيدەنتىنىڭ جانىنداعى ازاماتتىق ماسەلەلەرى جونىندەگى كوميسسيا تۋرالى» جارلىعىنا وزگەرىستەر ەنگىزىلىپ وتىر. وزگەرىستىڭ ءبىرىنشى بولىگى ازاماتتىق ماسەلەلەر جونىندەگى كوميسسيا مۇشەلەرىنىڭ ماسەلەنى داۋىسقا سالۋ تارتىبىنە قاتىستى.

«كوميسسيا مۇشەلەرىنىڭ داۋىستارى تەڭ بولىنگەن جاعدايدا ءتوراعالىق ەتۋشىنىڭ داۋىسى شەشۋشى بولىپ تابىلادى. كوميسسيا شەشىمى ءتوراعا قول قوياتىن حاتتامامەن رەسىمدەلەدى»، - دەپ جاڭا قۇجاتتىڭ ماتىنىندە.

ال بۇرىن كوميسسيانىڭ شەشىمىنە وتىرىسقا قاتىسقانداردىڭ ءبارى قول قوياتىن. قازاقستان ازاماتتىعىنان ايىرۋعا قاتىستى تارماقتار دا وزگەرتىلدى. بۇدان بىلاي ىشكى ىستەر ورگاندارى:

- رەسپۋبليكانىڭ مەملەكەتارالىق شارتتارىندا كوزدەلگەن جاعدايلاردى قوسپاعاندا، باسقا مەملەكەتتىڭ اسكەري قىزمەتىنە، قاۋىپسىزدىك قىزمەتىنە، پوليتسياعا، ادىلەت ورگاندارىنا نەمەسە وزگە دە مەملەكەتتىك ۇكىمەت جانە باسقارۋ ورگاندارىنا ورنالاسقان ادامداردى؛

- ق ر ازاماتتىعى كورىنەۋ جالعان مالىمەتتەر نەمەسە جالعان قۇجاتتار ۇسىنۋ ارقىلى الىنسا؛

- قازاقستان رەسپۋبليكاسىنىڭ مەملەكەتارالىق شارتتارىندا كوزدەلگەن نەگىزدەر بويىنشا؛

- ادام باسقا مەملەكەتتىڭ ازاماتتىعىن العان بولسا؛

- ق ر ازاماتتىعىن الۋىنا نەگىز بولعان قر ازاماتىمەن نەكەنى سوت جارامسىز دەپ تانىسا؛

- قازاقستان ازاماتى بولىپ تابىلاتىن، شەتەلدىكتەرگە اسىراپ الۋعا بەرىلگەن بالا كامەلەتكە تولعان كەزدە ونىڭ ەرىكتى قالاۋى بويىنشا؛

- شەتەلدىك قارۋلى قاقتىعىستارعا، شەت مەملەكەت اۋماعىنداعى ەكسترەميستىك نەمەسە تەرروريستىك ارەكەتتەرگە قاتىسۋشىلاردى ق ر ازاماتتىعىنان ايىرا الادى. قازاقستاننىن تىس جەردەگى تۇلعالاردىڭ وسىعان ۇقساس سەبەپتەر بويىنشا ازاماتتىعىنان ايىرىلۋ مالىمەتتەرىن ەلشىلىكتەر تىركەيدى. قاۋلى 2021 -جىلدىڭ 13-مامىرىندا كۇشىنە ەندى.