الماتى اۋەجايىندا رەيستەر كەشىگىپ جاتىر

الماتى. قازاقپارات - الماتى اۋەجايىندا ۇشىپ- قونۋ جولاقتارىنىڭ ءبىرىن جوندەۋگە بايلانىستى رەيستەر كەشىگىپ جاتىر، دەپ حابارلايدى قازاقپارات ءتىلشىسى.

الماتى اۋەجايىنىڭ باسپا ءسوز قىزمەتىنىڭ مالىمەتىنشە، ءبىر جولاق ۋاقىتشا جابىق. جوندەۋ جۇمىستارى ءجۇرىپ جاتىر.

«ەكىنشىسى جۇمىس ىستەپ تۇر. جولاقتاردىڭ ءبىرىنىڭ زاقىمدانۋىنا بايلانىستى رەيستەر ۋاقىتى وزگەرۋدە. ءوزى ەكى جولاق بار»، - دەپ حابارلادى الماتى اۋەجايىنىڭ باسپا ءسوز قىزمەتىنەن.

«الماتى - نۇر-سۇلتان، الماتى - قوستاناي، الماتى - باتۋمي رەيستەرى كەشىگىپ جاتىر. ۋاقىت 1-1,5 ساعاتقا شەگەرىلدى. رەيستەر توقتامايدى»، - دەپ اتاپ ءوتتى اۋەجايدان.