قازاقستاندا كولىك جۇرگىزۋشىلەردى مەديتسينالىق تەكسەرۋدىڭ ءتارتىبى وزگەردى

نۇر-سۇلتان. قازاقپارات - دەنساۋلىق ساقتاۋ ءمينيسترىنىڭ بۇيىرعىمەن كولىك جۇرگىزۋشىلەردى مەديتسينالىق تەكسەرۋدىڭ تارتىبىنە وزگەرىستەر ەنگىزىلدى، دەپ حابارلايدى قازاقپارات ءتىلشىسى.

«دەنساۋلىق ساقتاۋ مينيسترىلىگىنىڭ كولىك قۇرالدارىن باسقارۋ قۇقىعىن الۋعا ۇمىتكەر ادامداردى مەديتسينالىق تەكسەرۋدەن، مەحانيكالىق كولىك قۇرالدارى جۇرگىزۋشىسىن قايتا مەديتسينالىق قاراپ- تەكسەرۋدەن وتكىزۋ قاعيدالارىن بەكىتۋ تۋرالى «قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2020 -جىلعى 30-قازانداعى №172-بۇيرىعىنا وزگەرىستەر ەنگىزۋ تۋرالى» ق ر دەنساۋلىق ساقتاۋ ءمينيسترىنىڭ 2021 -جىلعى 11-مامىرداعى №38-بۇيرىعى جاريالاندى. جاڭا ءتارتىپ بويىنشا كولىك تىزگىندەۋشىلەر فليۋوروگرافيادان ءوتۋ مىندەتىنەن بوساتىلاتىن بولدى.

«ۇمىتكەرلەردى مەديتسينالىق قاراپ- تەكسەرۋ تەراپيەۆتىڭ، وسى قاعيدالاردىڭ 5-تارماعىندا كورسەتىلگەن مامانداردىڭ تەكسەرۋىن، پسيحوبەلسەندى زاتتاردى پايدالانۋ تۇرعىسىنان بيولوگيالىق ورتانى زەرتتەۋدى قامتيدى»، - دەپ جازىلعان بۇيرىقتا.

ياعني، كوميسسيا قۇرامىنا تەراپيەۆت، وكۋليست، وتورينولارينگولوگ، مەديتسينالىق پسيحولوگى، پسيحياتر، ناركولوگ دارىگەرلەر كىرەدى. سونداي-اق، كولىك ۇرگىزۋىگە رۇقسات بەرۋ تۋرالى انىقتاما بەرۋدىڭ دە ءتارتىبى وزگەرتىلدى. قۇجاتتاردى قابىلداۋ جانە مەديتسينالىق تەكسەرۋدەن وتكەنى تۋرالى انىقتاما بەرۋ مەديتسينالىق ۇيىمدار ارقىلى نەمەسە «ەلەكتروندىق ۇكىمەت» ۆەب- پورتالى ارقىلى جۇزەگە اسىرىلادى. ەگەر مەديتسينالىق تەكسەرۋدىڭ قورىتىندىسى تەرىس بولسا، قۇقىق بەرۋ تۋرالى انىقتاما بەرىلمەيتىنى بۇيرىقتا ناقتى جازىلعان.

ول ءۇشىن باس تارتۋ حاتىنا مەديتسينالىق تەكسەرۋ جۇرگىزگەن مەكەمە باسشىسىنىڭ نەمەسە ونىڭ مىندەتىن اتقارۋشى ادامنىڭ قولى قويىلۋى ءتيىس. زاڭناما بويىنشا، جۇرگىزۋشى كۋالىگىن الۋ ءۇشىن كەلەسى قۇجاتتاردى ۇسىنۋ قاجەت: جەكە باستى كۋالاندىراتىن قۇجات؛ مەديتسينالىق تەكسەرۋ ناتيجەلەرى (مەديتسينالىق انىقتاما)؛ مەملەكەتتىك قىزمەتتى كورسەتكەنى ءۇشىن تولەمدى راستايتىن قۇجات (مەملەكەتتىك باج 3 مىڭ تەڭگە شاماسىندا). بۇيرىق ادىلەت مينيسترلىگىندە 12-مامىردا № 22747 نومىرىمەن تىركەلدى.

اۆتور: ەسىمجان ناقتىباي