مۋزەي ءتۇنى: اقتوبەلىك شەبەر قامشى ءورۋدى ۇيرەتىپ، جىرشىلار داستانداردىڭ شىعۋ تاريحىن ايتتى
اقتوبە «سارى» ايماقتا بولعانىمەن كوپشىلىك جينالاتىن شارانى وتكىزۋگە رۇقسات جوق. «مۋزەي ءتۇنى» دە كارانتين شەكتەۋىنە بايلانىستى ونلاين ءوتتى. الدىمەن ءداستۇرلى «جادىگەر جەردە قالماسىن» اكسياسى ءوتتى. تىكەلەي ەفير كەزىندە قالا تۇرعىندارى ورالباي ەلۋباي ۇلى، باعداگۇل تولەۋتايەۆا قۇندى جادىگەردى جانە №55-ورتا مەكتەپ- گيمنازياسى ديرەكتورىنىڭ ورىنباسارى بەرىك ساتماعانبەتوۆ باتىر ساپۋرا ماتەن قىزىنا ارنالىپ جاسالعان پيلون- ستەللانىڭ كوشىرمەسىن مۋزەي قورىنا تاپسىردى. سونداي- اق، شارا اياسىندا «مۋزەيدەگى قور ءىسى ماسەلەلەرى مەن شەشىمدەرى» اۋداندىق مۋزەيلەرگە ارنالعان عىلىمي- ادىستەمەلىك ونلاين- سەمينارى، «اقتوبە ءوڭىرىنىڭ جىرشى، جىراۋلارى» تاقىرىبىندا ونلاين- كەزدەسۋ ءوتتى.
ال قولونەر شەبەرى ەرقوساي ءابىلوۆ قامشى توقۋ جولىن كورسەتتى.
«جۇگەن، ومىلدىرىككە 12 ءورىمدى ات ابزەلىن دايىنداۋعا بولادى. قايىستان توقۋ ءادىسى قيىن بولعانىمەن زەيىندى ادام ونى تەز يگەرىپ كەتەدى. ەر توقىم دايىنداپ، مۋزەيلەرگە بەرگەن ەدىم. قازىر قۇندى جادىگەرلەر قاتارىندا تۇر. مۋزەيدەگى شاراعا سۇيەك ساپتى قامشىنى الا كەلدىم. ۇلىم ۇيلەنگەندە دومبىرا ەكەۋىن سىيعا تارتقان ەدىم. قويدىڭ اسىق جىلىگىنەن جاسالعان. ءوزىم سۇيەكتەن كوپ زات جاسادىم. بىرنەشە حالىقارالىق كورمەگە قويدىم. مۋزەي ءتۇنى ءبارىن كورسەتىپ، حالىققا تانىستىرۋعا مۇمكىندىك جاسالدى. ونەرگە دەگەن سۇيىسپەنشىلىگىمىز سارقىلماسىن»، - دەدى ەرقوساي ءابىلوۆ.
«ءسىز بىلەسىز بە؟ « تابيعات الەمىنە ساياحات ونلاين ۆيكتوريناسى ءوتىپ، «قازاعىمنىڭ اندەرى- اي» اتتى كاراوكەمەن اندەر شىرقالدى. سونىمەن بىرگە «التىن ادام»، «رۋحانيات»، «ولكە تابيعاتى» زالدارى بويىنشا ونلاين ەكسكۋرسيا جۇرگىزىلدى.
«رۋحانيات» زالىندا وبلىستىق نۇر- عاسىر مەشىتىنىڭ تاريحىنان سىر شەرتەتىن فوتوكورمە بار. مەشىت قۇرىلىسى 2006 -جىلى 22- ءساۋىر كۇنى باستالدى. 2008 -جىلى قولدانىسقا بەرىلىپ، وعان ەلباسى قاتىستى. تاۋەلسىزدىكتىڭ 20 جىلدىعىنا وراي وبلىستىق «رۋحانيات» مۋزەيى اشىلدى. سونىمەن بىرگە مۋزەيدە شەبەر ەرقوساي ءابىلوۆ پەن بولات اتىراۋبايەۆتىڭ قولىنان شىققان، تاريحي نەگىزى ساقتالىپ جاسالعان بۇيىمدار ساقتاۋلى»، - دەپ تانىستىردى مۋزەي قىزمەتكەرى.
