جاڭبىر نەمەسە بۇرشاق، كۇشتى جەل مەن داۋىل - سارسەنبىدەگى اۋا رايى
سينوپتيكتەردىڭ بولجاۋىنشا، كەي جەرلەردە جاڭبىر جاۋىپ، نايزاعاي وينايدى، بۇرشاق جاۋۋى ىقتيمال، ەلىمىزدىڭ سولتۇستىك جارتىسىندا، ورتالىقتا جانە شىعىستا كەي جەرلەردە نوسەر جاۋىپ، داۋىل سوعۋى مۇمكىن. تەك ەلىمىزدىڭ وڭتۇستىك- باتىسىندا كۇن رايى اشىق بولادى.
كەي جەرلەردە جەل كۇشەيىپ، وڭتۇستىكتىڭ كەي جەرىنە شاڭدى داۋىل سوعۋى ىقتيمال. سولتۇستىك قازاقستان، قاراعاندى، وبلىستارىندا كەي جەرلەردە داۋىل سوعادى، جەل جىلدامدىعى 15-20 م/س جەتىپ، ەكپىنى 25 م/س كۇشەيەدى، بۇرشاق جاۋۋى ىقتيمال.
اقمولا، پاۆلودار وبلىستارىنىڭ كەي جەرلەرىندە داۋىل سوعادى، جەل جىلدامدىعى 15-20 م/س كۇشەيىپ، كۇندىز ەكپىنى 25 م/س جەتەدى، بۇرشاق جاۋۋى مۇمكىن. شىعىس قازاقستان وبلىسىنىڭ كەي جەرلەرىندە داۋىل سوعۋى مۇمكىن، جەل 15-20 م/س كۇشەيىپ، ەكپىنى 23-28 م/س جەتەدى، بۇرشاق جاۋۋى مۇمكىن.
كۇندىز باتىس قازاقستان وبلىسىنىڭ باتىسىندا داۋىل سوعادى، جەل 15-20 م/س كۇشەيەدى، بۇرشاق جاۋۋى مۇمكىن. كۇندىز قىزىلوردا وبلىسىندا شاڭدى داۋىل سوعۋى مۇمكىن، جەل كۇشەيىپ، جىلدامدىعى 15-20 م/س جەتەدى، ەكپىنى 23 م/س بولۋى ىقتيمال.
قوستاناي، جامبىل، كۇندىز الماتى وبلىستارىنىڭ كەي جەرلەرىندە جەل 15-20 م/س كۇشەيەدى، جامبىل وبلىسىندا كۇندىز بۇرشاق جاۋۋى مۇمكىن. كۇندىز اقتوبە وبلىسىنىڭ كەي جەرلەرىندە جەل 16 م/س كۇشەيەدى.
ماڭعىستاۋ وبلىسىنىڭ كەي جەرلەرىندە تۇمان ءتۇسۋى ىقتيمال. كۇندىز باتىس قازاقستان، اتىراۋ وبلىستارىندا قاتتى ىستىق بولادى. قىزىلوردا وبلىسىنىڭ باسىم بولىگىندە، اتىراۋ وبلىسىنىڭ كەي جەرلەرىندە، الماتى، شىعىس قازاقستان وبلىستارىنىڭ جەكەلەگەن اۋداندارىندا وتە جوعارى ءورت قاۋپى ساقتالادى.
