اتىراۋدا «سويلەيتىن» ايالداما پايدا بولدى

اشىلدى اتىراۋ قالالىق اكىمدىگى باسپا ءسوز قىزمەتىنىڭ اقپاراتىنا سۇيەنسەك، اۆانگارد-4 شاعىن اۋدانىنداعى «پەرزەنتحانا» ايالداماسىنا ارنايى اقپاراتتىق تابلوسى بار تاقتا ورناتىلعان. بۇل - قالاداعى العاشقى پيلوتتىق جوبا.

«اقپاراتتىق تاقتا قالا اكىمىنىڭ باستاماسىمەن ورناتىلدى. ونى «سمارت اتىراۋ» ك م م ازىرلەدى. «پەرزەنتحانا» ايالداماسىنداعى اقپاراتتىق تابلودا مارشرۋت ءنومىرى، سوڭعى ايالداما مەن اۆتوبۋستىڭ كەلەتىن ۋاقىتى كورسەتىلەدى. ال، ناشار كورەتىن جانە زاعيپ جاندار ءۇشىن دىبىس نۇسقاسى بار. داۋىسپەن حابارلاۋ ەكى تىلدە - قازاقشا جانە ورىسشا ايتىلادى. اتالعان دەرەكتەردى ءبىلۋ ءۇشىن سارى نۇكتەنى باسۋ قاجەت. بۇل ەرەكشە قاجەتتىلىگى بار ادامدارعا قولجەتىمدى ورتا قۇرۋ ءۇشىن جاسالدى»، - دەپ حابارلادى قالالىق اكىمدىكتىڭ باسپا ءسوز قىزمەتى.

ەسكە سالا كەتەلىك، بۇدان بۇرىن اتىراۋدا مەتانمەن جۇرەتىن اۆتوبۋستار جولعا شىققانىن حابارلاعان ەدىك.