قازاقستان ەلشىسى قىرعىزستان پرەزيدەنتىنە سەنىم گراموتالارىن تاپسىردى
ءراسىم بارىسىندا قىرعىزستان پرەزيدەنتى ەلشىنى قىزمەتكە تاعايىندالۋىمەن قۇتتىقتاي وتىرىپ، ونىڭ اتالعان لاۋازىمداعى الداعى جۇمىسى ەكى مەملەكەت اراسىنداعى تاتۋ كورشىلىككە نەگىزدەلگەن ءوزارا ءتيىمدى قارىم- قاتىناستاردى ودان ءارى دامىتۋعا ىقپال ەتەتىنىنە سەنىم ءبىلدىردى.
راسىمنەن كەيىن بولعان كەزدەسۋدە قازاقستاندىق ديپلومات ەلباسى نۇرسۇلتان نازاربايەۆ قازاقستان مەن قىرعىزستان اراسىنداعى باۋىرلاستىق جانە وداقتاستىق قارىم- قاتىناستاردى ءاردايىم قولدايتىنىن، ءارى بۇل باعىتتى پرەزيدەنت قاسىم- جومارت توقايەۆ جالعاستىرعانىن باسا ايتتى.
تاراپتار ەكىجاقتى جانە كوپجاقتى فورماتتاعى ساياسي ديالوگتىڭ جوعارى دەڭگەيىن اتاپ ءوتىپ، ساۋدا- ەكونوميكالىق، ينۆەستيتسيالىق جانە مادەني- گۋمانيتارلىق ىنتىماقتاستىقتى ارتتىرۋ مۇمكىنشىلىكتەرى بويىنشا پىكىر الماستى. كەزدەسۋ سوڭىندا پرەزيدەنت س. جاپاروۆ ەلباسى ن. نازاربايەۆ پەن پرەزيدەنت ق. توقايەۆقا ىزگى لەبىزدەرىن جەتكىزۋدى سۇرادى جانە جاڭا ەلشىگە قازاق- قىرعىز قارىم- قاتىناستارىن ودان ءارى نىعايتۋ جولىندا زور تابىستار تىلەدى.
