وقۋشىلاردىڭ مەكتەپكە قانداي زاتتاردى اكەلۋىنە تىيىم سالىنادى

نۇر-سۇلتان. قازاقپارات - قازاقستاندا وقۋشىلاردىڭ مەكتەپكە ءبىرقاتار زاتتى الىپ كەلۋىنە تىيىم ەنگىزىلەدى.

بۇل تۋرالى ق ر ءى ءى م اكىمشىلىك پوليتسيا كوميتەتىنىڭ ءتوراعاسى مۇرات بايمۇقاشەۆ ءمالىم ەتتى، دەپ حابارلايدى قازاقپارات ءتىلشىسى.

«جىلدىڭ باسىندا ىشكى ىستەر مينيسترلىگى ءبىلىم جانە عىلىم مينيسترلىگىمەن بىرلەسىپ، ءبىلىم بەرۋ ۇيىمدارىنا الىپ كەلۋگە تىيىم سالىناتىن زاتتار مەن بۇيىمداردىڭ ءتىزىلىمىن ازىرلەدى. ءتيىستى بۇيرىق ادىلەت مينيسترلىگىنىڭ تىركەۋىندە جاتىر. ول وسى ايدىڭ ىشىندە زاڭدى كۇشىنە ەنەدى»، - دەدى كوميتەت ءتوراعاسى ىشكى ىستەر مينيسترلىگىندە وتكەن باسپا ءسوز ءماسليحاتى بارىسىندا. ونىڭ اتاپ وتۋىنشە، مەكتەپكە الىپ كەلۋگە تىيىم سالىنعان زاتتاردىڭ تىزىلىمىنە قارۋ-جاراق، پىشاق، روگاتكا، كاستەتتەر جانە سوعان ۇقساس زاتتار كىرەدى.

«سونىمەن قاتار جارىلعىش قۇرىلعى يميتاتورىن، اەروزولدى بوياۋدى، پيروتەحنيكالىق زاتتاردى جانە گاز باللوندارىن الىپ كەلۋگە تىيىم سالىنادى»، - دەدى مۇرات بايمۇقاشەۆ.

اۆتور: مارلان جيەمباي