ەلىمىزدە قارۋ جيناۋ ءىس-شاراسى باستالدى

نۇر-سۇلتان. قازاقپارات - قازاقستان اۋماعاندا «قارۋ» جەدەل الدىن الۋ ءىس- شاراسى باستالدى.

بۇل تۋرالى ق ر ىشكى ىستەر مينيسترلىگىنىڭ رەسمي وكىلى نۇردىلدا وراز ءمالىم ەتتى، دەپ حابارلايدى قازاقپارات ءتىلشىسى.

«بۇگىن باستالعان «قارۋ» جەدەل الدىن الۋ ءىس-شاراسى اياسىندا قارۋ- جاراق پەن وق- دارىلەردىڭ ساتىلۋ زاڭدىلىعى، قارۋ-جاراق دۇكەندەرىندە، وقتى قارۋدىڭ يەسى سانالاتىن زاڭدى جانە جەكە تۇلعالاردا ولاردىڭ قاۋىپسىز ساقتالۋ تالاپتارى تەكسەرىلەتىن بولادى»، - دەدى نۇردىلدا وراز ىشكى ىستەر مينيسترلىگىندە وتكەن باسپا ءسوز ءماسليحاتى بارىسىندا.

سونىمەن قاتار ول ينتەرنەت كەڭىستىگىندە، ونىڭ ىشىندە جاستار فورۋمدارى مەن پابليكتەردە زورلىق- زومبىلىقتى ناسيحاتتاۋ فاكتىلەرىن انىقتاۋ جانە الدىن الۋعا باعىتتالعان تۇراقتى مونيتورينگتىڭ جۇرگىزىلەتىندىگىن ايتتى.