الماتىدا گرانتقا ءتۇسۋ ءۇشىن وتكىزىلەتىن ۇ ب ت ەرتەڭ باستالادى

ونىڭ ايتۋىنشا، 6-مامىر كۇنى بيىلعى جانە وتكەن جىلدارداعى قالا مەكتەپتەرى تۇلەكتەرى اراسىندا ۇلتتىق ءبىرىڭعاي تەستىلەۋ باستالادى.

«ەلدەگى ەپيدەميولوگيالىق جاعدايعا بايلانىستى، بالالاردىڭ دەنساۋلىعى مەن قاۋىپسىزدىگىن ساقتاۋ ماقساتىندا حالىق كوپ جينالاتىن ورىندارعا بارۋ قاجەتتىلىگىن بولدىرماۋ ءۇشىن ۇ ب ت قاتىسۋ ءۇشىن تۇلەكتەردىڭ ءوتىنىشىن قابىلداۋ ۇلتتىق تەستىلەۋ ورتالىعىنىڭ سايتىندا ونلاين تىركەۋ ارقىلى جۇزەگە اسادى. وعان قوسا بۇل ءبىتىرۋشى رەسپۋبليكا بويىنشا ۇ ب ت تاپسىراتىن ورىندى ءوز بەتىنشە تاڭداۋعا مۇمكىندىك بەرەدى»، - دەيدى ول. سونىمەن قاتار ول ۇ ب ت تاپسىرۋداعى بيىلعى ەرەكشەلىكتەردى اتاپ ءوتتى.

«وتكەن جىلدارداعىداي ەمەس، بيىل ۇ ب ت وتەتىن ورىن بىرەۋ عانا. ول ءال-فارابي اتىنداعى قاز ۇ ۋ-دىڭ بازاسىندا وتەدى. تەست وتكىزۋ فورماتى تەك ەلەكتروندى تۇردە، ءبىر تەستىلەنۋشى، ءبىر كومپيۋتەر، ءبىر كامەرا ءپرينتسيپى بويىنشا وتەدى. ءبىر كۇندە 2 لەك قاتىسادى، تۇسكە دەيىن جانە تۇستەن كەيىن. وتىراتىن ورىنداردىڭ ەڭ كوپ سانى 300»، - دەدى اقمارال ايتۋاروۆا.

بيىل ۇ ب ت العاش رەت ناۋرىزدان ماۋسىمعا دەيىن وتكىزىلىپ وتىر. 10-ناۋرىز بەن 26-ءساۋىر ارالىعىندا ج و و- عا اقىلى نەگىزدە قابىلداۋ ءۇشىن ەركى بويىنشا وتكىزىلگەن، 6-مامىردان 30-ماۋسىمعا دەيىن ءبىلىم بەرۋ گرانتىن تاعايىنداۋ ءۇشىن ۇ ب ت وتەدى.

«بيىل العاش رەت تۇلەكتەرگە ۇ ب ت- نى ەكى رەت تاپسىرۋ جانە ۇ ب ت- نىڭ ەڭ ۇزدىك ناتيجەسىمەن ءبىلىم بەرۋ گرانتتارىن تاعايىنداۋ كونكۋرسىنا قاتىسۋ قۇقىعى بەرىلەدى»، - دەدى ول. ۇ ب ت- نىڭ جالپى ۇزاقتىعى اپپەلياتسيانى ەسەپكە العاندا 4 ساعات 30 مينۋت (270 مينۋت). تەستىلەۋ ۋاقىتى - 240 مينۋت. 60 مينۋتتىق تەستىلەۋدەن كەيىن كوزگە ارنالعان جاتتىعۋلار ءۇشىن ءۇزىلىس جانە دەنە شىنىقتىرۋ ءۇشىن 2 مينۋت بەرىلەدى. 120 مينۋت تەستىلەۋ اياقتالعاننان كەيىن 15 مينۋت ءۇزىلىس بەرىلەدى؛ 180 مينۋت تەستىلەۋدەن كەيىن كوزگە ارنالعان جاتتىعۋلار مەن دەنە شىنىقتىرۋ جاتتىعۋلارى ءۇشىن 3 مينۋت كولەمىندە ءۇزىلىس بەرىلەدى.