قىتايدىڭ تۇتىنۋ تاۋارلارىنىڭ ەكسپو كورمەسىندە مىڭنان استام برەند ۇسىنىلادى
بەيجىڭ. قازاقپارات - 7-10-مامىر ارالىعىندا قىتايدىڭ وڭتۇستىگىندەگى حاينان پروۆينتسياسىنىڭ حايكوۋ قالاسىندا تۇتىنۋ تاۋارلارىنىڭ قىتايلىق العاشقى حالىقارالىق كورمەسى وتەدى، دەپ حابارلايدى «قازاقپارات» ح ا ا مەنشىكتى ءتىلشىسى.
الەمنىڭ 69 دان استام ەلى مەن وڭىرلەرىنەن 1200 گە جۋىق الەمدىك برەند I قىتاي حالىقارالىق تۇتىنۋ تاۋارلارى ەكسپو كورمەسىندە ۇسىنىلادى. ەكسپو كورمە الاڭى 80 مىڭ شارشى مەتردى قۇرايدى، ونىڭ 60 مىڭ شارشى مەتر الاڭى شەتەلدىك برەندتەردى زەرگەرلىك بۇيىمداردى، ازىق- تۇلىك ونىمدەرىن، ءساندى تاۋارلار مەن قىزمەتتەردى (قوناق ءۇي بيزنەسى، كەشەندى قىزمەتتەر) كورسەتۋگە بولىنگەن.
كورمە الاڭىنىڭ قالعان بولىگى قح ر- نىڭ بارلىق ايماقتارىنىڭ ونىمدەرىنە ارنالعان. ەكسپو اياسىندا تۋريستىك كلاستەرگە ارنالعان تۇتىنۋشىلىق يننوۆاتسيالار، باجسىز ساتىپ الۋلار جانە بولشەك ساۋدا يندۋسترياسى بويىنشا فورۋمدار وتەدى.
2000 -جىلدان 2019 -جىلعا دەيىن قىتايدىڭ جان باسىنا شاققانداعى ج ءى ءو ون ەسە ءوسىپ، 10 مىڭ ا ق ش دوللارىنان استى. رەسمي ستاتيستيكالىق مالىمەتتەرگە سايكەس، 2021 -جىلدىڭ ءبىرىنشى توقسانىنىڭ قورىتىندىسى بويىنشا قىتايدا تۇتىنۋ تاۋارلارىنىڭ بولشەك ساۋداسى جىلدىق ەسەپپەن %33,9 عا ارتىپ، 10,5 تريلليون يۋانعا (شامامەن 1,6 تريلليون ا ق ش دوللارى) جەتتى.
