الەمدەگى ەڭ جولى بولعىش ادامدار

نۇر-سۇلتان. قازاقپارات - ءبىز ءبارىمىز عاجايىپقا سەنەمىز. ومىرىڭىزدە ءبىر رەت بولسىن «ساتتىلىكتەن» باسقا ەشتەڭەمەن تۇسىندىرۋگە كەلمەيتىن كەرەمەت وقيعالار بولعان شىعار.

ءبىز اڭگىمەلەگەلى وتىرعان ادامدار الەمدەگى ەڭ جولى بولعىش ادامدار سانالادى.

مەتەوريتتەن قاشقان جىگىت

نورۆەگيالىق اندەرس حەلستراپ - جەردەگى ەڭ باقىتتى ون ادامنىڭ ءبىرى. سەبەبى ول اجالدان قاشىپ قۇتىلعان جىگىت. اندەرس اۋە اسكەرىندە قىزمەت ەتكەندىكتەن، جاتتىعۋ كەزىندە پاراشيۋتپەن ءجيى سەكىرەدى. سونداي جاتتىعۋلاردىڭ بىرىندە ول اسپاننان ۇشىپ كەلە جاتقان بەلگىسىز زاتتى بايقايدى. پاراشيۋتىن بۇرىپ قاشقان جىگىت، ىزىنەن كەلە جاتقان مەتەوريتتى دە سۋرەتكە ءتۇسىرىپ ۇلگەرگەن.

لوتەرەيالاردىڭ جەڭىمپازى

امەريكالىق دجوان گينتەر وسى ۋاقىتقا دەيىن لوتەرەيادان ميلليونداعان دوللاردى ءجيى-ءجيى ۇتىپ الدى. ول ۇتقان ەڭ ۇلكەن سوما - 10 ميلليون دوللار. بۇل قوماقتى ۇتىسى 2008-جىلى شىققان. ول ءالى كۇنگە دەيىن ءتۇرلى لوتەرەيالارعا قاتىسادى جانە ساتىپ العان بيلەتتەردىڭ ءبىر بولىگىن دوستارى مەن تۋىستارىنا بەرەدى.

نيتيرەن

نيتيرەن - سيۋ مەكتەبىن قۇرعان جاپون موناحى. ول تاريحتاعى ءدىني تۇلعا رەتىندە عانا ەمەس، الەمدەگى ەڭ جولى بولعىش ادامداردىڭ ءبىرى رەتىندە دە تانىمال. ۇكىمەت نيتيرەننىڭ ءىلىمى قوعامعا زيان تيگىزۋى مۇمكىن دەپ ساناپ، ونىڭ باسىن كەسۋ ارقىلى ءولىم جازاسىن تاعايىنداۋعا شەشىم قابىلدايدى. جازانى ورىنداۋ كەزىندە جەندەتكە نايزاعاي تۇسەدى. وسىلاي ءولىم جازاسىنان قۇتىلعان موناحتى ۇكىمەت الىس ارالعا جەر اۋدارتادى. موناح قارتايعانشا ءومىر ءسۇردى، ءدىنى كەڭ تارالىپ، كوسەمگە اينالدى.

ماارتەن دە يونگ

گوللانديالىق ۆەلوشاباندوز ماارتەن دە يونگ - اجالدان ەكى رەت قۇتىلعان جولى بولعىش جانداردىڭ ءبىرى. 2014-جىلى ول اپاتقا ۇشىراپ، ۇشتى-كۇيلى جوعالعان MH-370 ۇشاعىنا بيلەت الادى، ءبىراق بەلگىلى ءبىر سەبەپتەرمەن كەشىگىپ قالادى. ء بىراز ۋاقىتتان كەيىن ول باسقا رەيسكە بيلەت الدى، ءبىراق بيلەتتىڭ ارزان نۇسقاسىن تاپقان كەزدە ونى اۋىستىرۋعا شەشىم قابىلدايدى. ال ول ۇشۋى كەرەك بولعان ەكىنشى ۇشاق ۋكراينا اسپانىندا اپاتقا ۇشىراعان.

تسۋتومۋ ياماگۋتي

تاريحتاعى ەڭ جولى بولعىش ادامداردىڭ ءبىرى - تسۋتومۋ ياماگۋتي. ەكىنشى دۇنيەجۇزىلىك سوعىس كەزىندە ول Mitsubishi كومپانياسىنىڭ قىزمەتكەرى رەتىندە بۇكىل الەمدى ارالايدى. تسۋتومۋ 1945-جىلى حيروسيماعا بارعاندا اتوم بومباسى قالاعا تۇسەدى. ول ءتۇرلى جاراقاتتار الىپ، امان قالىپ، ناگاساحيكە بارادى. كوپ وتپەي بۇل قالاعا دا اتوم بومباسى تۇسەدى. جولى بولعىش تسۋتومۋ بۇدان دا امان قالادى. ءسويتىپ ول 93 جاسىندا قارتايىپ قايتىس بولعان.

massaget.kz