كۇشتى جەل، تۇمان، جاڭبىر - سەنبىدەگى اۋا رايى

سەنبى كۇنى باتىس انتيسيكلون جوتاسىنىڭ اسەرىنەن قازاقستاننىڭ باسىم بولىگىندە كوبىنەسە اۋا رايى جاۋىن- شاشىنسىز بولادى. تەك ەلىمىزدىڭ وڭتۇستىك، وڭتۇستىك- شىعىس جانە شىعىسىندا اتموسفەرالىق فرونتالدى بولىكتەردىڭ وتۋىنە بايلانىستى كەي جەرلەردە جاڭبىر جاۋادى، تۇندە جەكەلەگەن اۋدانداردا نايزاعايلى قاتتى نوسەر جاۋۋى مۇمكىن.

ەلىمىزدىڭ كەي جەرلەرىندە جەل كۇشەيىپ، وڭتۇستىكتە جانە وڭتۇستىك- باتىستا شاڭدى داۋىل سوعادى، سولتۇستىك- باتىستا تۇمان ءتۇسۋى ىقتيمال.

الماتى وبلىسىنىڭ كەي جەرلەرىندە جەل 15-20 م/س كۇشەيىپ، ەكپىنى 23-28 م/س جەتەدى. جامبىل وبلىسىنىڭ كەي جەرلەرىندە بۇرشاق جاۋۋى مۇمكىن، جەل 15-20 م/س كۇشەيىپ، كۇندىز ەكپىنى 23-28 م/س جەتەدى.

تۇركىستان وبلىسىنىڭ كەي جەرلەرىندە شاڭدى داۋىل سوعادى، جەل 15-20 م/س كۇشەيىپ، كۇندىز ەكپىنى 23 م/س جەتەدى.

شىعىس قازاقستان وبلىسىندا كۇندىز كەي جەرلەردە بۇرشاق جاۋۋى مۇمكىن، جەل 15-20 م/س كۇشەيىپ، تاڭەرتەڭ جانە كۇندىز ەكپىنى 25 م/س جەتەدى.

قىزىلوردا وبلىسىنىڭ كەي جەرلەرىندە شاڭدى داۋىل سوعۋى مۇمكىن، تاڭەرتەڭ جانە كۇندىز جەل 15-20 م/س كۇشەيىپ، ەكپىنى 25 م/س جەتەدى.

باتىس قازاقستان، ماڭعىستاۋ، قاراعاندى، سولتۇستىك قازاقستان وبلىستارىنىڭ كەي جەرلەرىندە كۇندىز جەل 15-20 م/س كۇشەيىپ، مانعىستاۋ وبلىسىندا شاڭدى داۋىل سوعادى.

پاۆلودار وبلىسىندا جەل كۇشەيىپ، تۇندە كەي جەرلەردە، كۇندىز باسىم بولىگىندە جىلدامدىعى 15-20 م/س جەتەدى.

قوستاناي وبلىسىنىڭ كەي جەرلەرىندە تۇمان ءتۇسىپ، كۇندىز جەل 15-20 م/س كۇشەيەدى. كۇندىز اقمولا وبلىسىنىڭ شىعىسىندا جەلدىڭ جىلدامدىعى 15-20 م/س جەتەدى.

تۇندە اقمولا، اقتوبە، قوستاناي، سولتۇستىك قازاقستان، پاۆلودار، قاراعاندى وبلىستارىنىڭ كەي جەرلەرىندە 3 گرادۋسقا دەيىن ۇسىك جۇرەدى.