توقايەۆ: تەرەڭ ءبىلىمىن وزىق تاجىريبەمەن ۇشتاستىرا بىلگەن ازاماتتار ەلدى العا جەتەلەيدى

بۇل تۋرالى مەملەكەت باسشىسى «قازاقستاننىڭ 100 جاڭا ەسىم» جوباسىنىڭ جەڭىمپازدارىمەن كەزدەسۋىندە سويلەگەن سوزىندە ايتتى، دەپ حابارلايدى قازاقپارات.

«قازاق «جاقسىنىڭ جاقسىلىعىن ايت نۇرى تاسىسىن» دەپ، دارا تۇلعالارىنىڭ مەرەيىن اسىرعان. بۇگىنگى بەلەس سىزدەردى جاڭا بيىكتەرگە باستايدى دەپ سەنەمىن. شىن مانىندە، ەلىمىزدە ءوز كاسىبىنىڭ مايتالمانى اتانعان جاستار از ەمەس. ورتامىزدا مەديتسينا، ءبىلىم-عىلىم، ەكولوگيا، IT تەحنولوگياسى جانە باسقا دا سالالاردىڭ وكىلدەرى وتىر. قازىرگى كۇردەلى كەزەڭدە بۇل ماماندىقتاردىڭ قاي- قايسىسى دا ايرىقشا ماڭىزدى. تەرەڭ ءبىلىمىن وزىق تاجىريبەمەن ۇشتاستىرا بىلگەن ازاماتتار ەلىمىزدى العا جەتەلەيدى. وسى ورايدا، تاۋەلسىزدىك كەزەڭىندە ءوسىپ جەتىلگەن بۋىننىڭ قارىم- قابىلەتىن جوعارى باعالايمىن. ءبىلىمدى ءارى سانالى ۇرپاق تاربيەلەۋ - بۇل اسا ماڭىزدى مەملەكەتتىك مىندەت. ەلىمىزدىڭ بولاشاعى دارىندى، وتانشىل جاستاردىڭ قولىندا بولۋى كەرەك. سولاي بولارىنا كامىل سەنەمىن. وسى ستراتەگيالىق ماقساتقا قول جەتكىزۋ ءۇشىن جۇيەلى رەفورمالاردى مىندەتتى تۇردە جالعاستىرامىز»، - دەدى پرەزيدەنت قاسىم-جومارت توقايەۆ. ءبىزدىڭ