بيىل مەديسينا سالاسىندا بىرەگەي تەحنولوگيالار ەنگىزىلەدى - الەكسەي سوي

«دەنساۋلىق ساقتاۋ جۇيەسىنىڭ ماماندارى جاڭا مەديتسينالىق تەحنولوگيالاردى ىزدەستىرۋ مەن ەنگىزۋدى تۇراقتى نەگىزدە جۇرگىزەدى. قازاقستاندا مەديتسينانىڭ ءبىرقاتار باعىتى حالىقارالىق دەڭگەيدە تابىستى باسەكەلەسە باستادى. ءبىزدىڭ ەلىمىزدە جوعارى تەحنولوگيالىق مەديتسينالىق كومەكتىڭ (ج ت م ك) 78 ءتۇرى بويىنشا حالىققا قولجەتىمدىلىك قامتاماسىز ەتىلگەن. بۇل رەتتە، 2020 -جىلى 10 مىڭعا جۋىق ج ت م ك قىزمەتى كورسەتىلدى»، - دەدى ا. سوي ورتالىق كوممۋنيكاتسيالار قىزمەتىندە.

ونىڭ ايتۋىنشا، 2011 -جىلدان باستاپ ەلىمىزدە ورگانداردى ترانسپلانتاتسيالاۋ تەحنولوگيالارى بەلسەندى ەنگىزىلۋدە. 2020 -جىلى 112 ترانسپلانتتاۋ جاسالدى. 2020 -جىلى مىناداي بىرەگەي تەحنولوگيالار ەنگىزىلدى:

- D3 باسىپ شىعارۋ تەحنولوگياسى بويىنشا جەكە ۇلگىلەنگەن جاساندى ومىرتقالى پروتەزدى ورناتۋ؛

- باس سۇيەك نەرۆتەرىنىڭ ميكروۆاسكۋليارلىق دەكومپرەسسياسى كەزىندەگى ەندوسكوپيالىق اسسيستەنتسيا.

«2021 -جىلى ءبىز كەلەسى تەحنولوگيالاردى يگەرۋدى جانە ەنگىزۋدى جوسپارلاپ وتىرمىز: گامما- پىشاق اپپاراتىن قولدانۋمەن ورتالىق جۇيەكە جۇيەسى اۋرۋلارىن ەمدەۋدىڭ راديوحيرۋرگيالىق ءادىسى، جۇرەكىشىلىك ستيمۋلياتوردى ترانسكاتەتەرلىك يمپلانتتاۋ. سونىمەن قاتار، سەمەي قالاسىندا يادرولىق مەديتسينا ورتالىعىنىڭ قۇرىلىسى اياقتالدى. ورتالىقتىڭ تولىق قىزمەت سپەكترى اعىمداعى جىلدىڭ ماۋسىم ايىنان باستاپ كورسەتىلەتىن بولادى. مۇنىمەن قوسا، نازاربايەۆ ۋنيۆەرسيتەتى جانىنان بالالار كارديوحيرۋرگيالىق ورتالىعىن اشۋ جوسپارلانۋدا»، - دەدى مينيستر.

اۆتور: رۋسلان عابباسوۆ