كاتونقاراعايدا قار بارىسى العاش رەت فوتوتۇزاققا ءتۇستى

ۇلتتىق پاركتىڭ پاراقشاسىندا جاريالانعان اقپاراتقا سايكەس، Panthera uncia قار بارىسى - قازاقستان رەسپۋبليكاسىنىڭ قىزىل كىتابىنا جانە حالىقارالىق تابيعاتتى قورعاۋ وداعىنىڭ (IUCN) قىزىل تىزىمىنە ەنگىزىلگەن سۇتقورەكتىلەردىڭ سيرەك كەزدەسەتىن ءتۇرى.

«وتكەن جىلى جانۋارلار الەمىن قورعاۋ جانە ءوسىرىپ- ءوندىرۋ ءبولىمىنىڭ باستىعى ەرىك قاسىموۆ سارىمساقتى جوتاسىنا ب ۇ ۇ دامۋ باعدارلاماسىنىڭ «ءارتۇرلى پايدا الۋ ءۇشىن نەگىزگى عالامدىق ماڭىزى بار ەكوجۇيەلەردى ساقتاۋ جانە ورنىقتى باسقارۋ « جوباسىن ىسكە اسىرۋ اياسىندا الىنعان فوتوتۇزاقتى ورناتقان ەدى. ءبىر جىلعا جۋىق ۋاقىت جۇمىس ىستەگەن فوتوتۇزاق التاي ورمانشىلىعىنىڭ اۋماعىندا قار بارىسىنىڭ تۇنگى وتكەلىن ءتۇسىرىپ الدى. بۇل - سارىمساقتى جوتاسىنان الىنعان العاشقى فوتو. بۇعان دەيىن ۇلتتىق پاركتە قار بارىسىنىڭ فوتولارى مەن بەينەلەرى التاي تارباعاتاي جوتاسىنان الىنعان بولاتىن»، - دەلىنگەن ۇلتتىق پارك اقپاراتىندا.

ايتا كەتەيىك، وسى جىلدىڭ 29 -ناۋرىزىندا التاي تاۋىنىڭ قازاقستان بولىگىندە قار بارىسى تۇسىرىلگەن (Panthera uncia) العاشقى ۆيدەو كاتونقاراعاي ۇلتتىق تابيعي پاركىنىڭ جەلىدەگى پاراقشاسىندا جاريالانعان ەدى. ق ر ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ قازاقستاندا بۇگىنگى تاڭدا 130-عا جۋىق قار بارىسى بار ەكەنىن ايتقان بولاتىن. ورمان شارۋاشىلىعى وكىلدەرىنىڭ اتۋىنشا، سوڭعى ۋاقىتتا وڭىرلەردە قار بارىسى فوتوتۇزاقتارعا ءجيى تۇسە باستاعان.

اۆتور: مارلان جيەمباي