امەريكالىق جاستاردى ۆاكسينا الۋعا شاقىرۋدىڭ جاڭا جولى تابىلدى

مامانداردىڭ ايتۋىنشا، قارتتاردىڭ قاۋىپسىزدىگى جاستاردىڭ ەكپە الۋىنا تىكەلەي بايلانىستى.

ەنتوني فاۋچي، يممۋنولوگ:

- راس، جاستاردىڭ كوۆيدتى جۇقتىرۋ ىقتيمالدىلىعى تومەن. جۇقتىرعان كۇننىڭ وزىندە دە قارتتار سياقتى اۋىر حالگە ءتۇسۋى سيرەك تىركەلەدى. ءبىراق، جاستار ءوزىنىڭ جالعىز باسىن عانا ويلاماۋ قاجەت. ويتكەنى ۆاكسينا الماساڭىز ۆيرۋستى جۇقتىرۋ قاۋىپى جوعارى بولىپ قالا بەرمەك. ياعني، ءبىر جاس جىگىت اۋىرىپ قالدى دەلىك. ول اينالاسىنداعى ەگدە جاستاعى امەريكالىقتاردى جۇقتىرۋى مۇمكىن. ال بۇل سول قارت ادامدار ءۇشىن وتە قاۋىپتى. سونى ەستەن شىعارماڭىزدار.

دجيم دجاستيس، باتىس ۆيردجينيانىڭ گۋبەرناتورى:

- ءبىزدىڭ شتاتىمىزدىڭ اۋماعىندا 380 مىڭ جاس تىركەلگەن ەكەن. سولاردىڭ ءارقايسىسى ۆاكسينالانۋى ءتيىس. قۇلاقتارىڭىزعا التىن سىرعا. ەكپەنىڭ ءبىر كومپونەنتىن الساڭىز، 100 دوللارلىق ساقتاندىرۋ وبليگاتسياسىن بەرەتىن بولامىز.

www.24.kz