قازاقستاندىق ۆاكسينا نەدەن جاسالعان؟
ونىڭ قۇرامىنا اليۋميني گيدروتوتىعى - اديۋۆانت قوسىلعان، دەپ حابارلايدى ق ر ءبىلىم جانە عىلىم مينيسترلىگىنىڭ باسپا ءسوز قىزمەتى.
وتاندىق ۆاكسينانى ازىرلەۋ بارىسىندا جىلدار بويى قولدانىلعان تەحنولوگيا پايدالانىلدى. ونىڭ بارلىق كومپونەنتى سەنىمدى، ويتكەنى ولار باسقا ۆاكسينالاردى ازىرلەۋ كەزىندە اپروباتسيادان (سىناقتان) وتكەن.
يناكتيۆتەندىرىلگەن ۆاكسينانى ازىرلەۋ پلاتفورماسى بەلگىلى جانە قاۋىپسىز بولىپ تابىلادى. ونىڭ قۇرامىنداعى كومپونەنتتەر ازاماتتار بۇرىن العان ۆاكسينالاردىڭ قۇرامىندا بولعان. ۆاكسيناعا قوسىلعان ءبىر عانا جاڭا كومپونەنت - يناكتيۆتەندىرىلگەن ۆيرۋس.
يناكتيۆتەندىرىلگەن ۆاكسينا ءداستۇرلى جانە ءتيىمدى بولىپ سانالادى، ونى دايىنداۋ تەحنولوگياسى كۇردەلى ەمەس جانە ۆاكسينالاردىڭ باسقا تۇرلەرىنە قاراعاندا قاۋىپسىز. سوندىقتان قازاقستاندىق عالىمدار يناكتيۆتەندىرىلگەن ۆاكسينا جاساۋ تۋرالى شەشىم قابىلدادى.
