كانادالىقتار قازاقستانعا كەلتىرىلگەن شىعىندى وتەيدى

بۇل تۋرالى قازاقپارات ادىلەت مينيسترلىگىنە سىلتەمە جاساپ حابارلايدى. 2013 -جىلعى جەلتوقساندا كانادالىق تالاپكەرلەر، «World Wide Minerals Ltd» كومپانياسى جانە كورولدىك ادۆوكاتى پول كەرولل (كومپانيانىڭ پرەزيدەنتى)، قازاقستان رەسپۋبليكاسىنا قارسى ينۆەستيتسيالىق تالاپ- ارىزبەن جۇگىندى. تالاپ- ارىزدارىنىڭ العىشقى سوماسى 1,9 ميلليارد ا ق ش دوللارىن قۇرادى. داۋدىڭ ءمانى 1996 -جىلدان باستاپ 1997 -جىلعا دەيىن اقمولا وبلىسىندا ورنالاسقان تىڭ تاۋ- كەن- حيميا كومبيناتىن تالاپكەرلەردىڭ سەنىمدى باسقارۋ جاعدايلارىنا قاتىستى بولدى.

2017 -جىلعى جەلتوقساندا جانە 2018 -جىلعى قاڭتاردا وتكەن تىڭداۋلاردىڭ قورىتىندىسى بويىنشا تريبۋنال 2019 -جىلعى 29 -قازانداعى ءوز شەشىمىندە تالاپكەرلەرگە تالاپ- ارىزدىڭ نەگىزگى سوماسىنىڭ %1 دان كەم سومانى قاۋلى ەتتى. سونىمەن بىرگە، 2019 -جىلعى قاراشادا قازاقستان رەسپۋبليكاسى لوندون قالاسىنداعى انگليانىڭ جوعارعى سوتىنا ءتيىستى دالەلدەمەلەر بەرىپ، تورەلىك شەشىمنىڭ قورىتىندى دايىنداۋ جانە زالالدى باعالاۋ كەزىندە تريبۋنال جول بەرگەن بۇزىشىلىقتار بولىگىنە قاتىستى شاعىم بەردى.

2020 -جىلعى 23-قاراشاسىندا جوعارى مارتەبەلى سۋديا پەلينگ بەرىلگەن زالال جانە شىعىندار سومالارى بولىگىندە 2019 -جىلعى تورەلىك شەشىمنىڭ كۇشىن جويىپ، قازاقستان رەسپۋبليكاسىنىڭ شاعىم تۋرالى ءوتىنىشىن قولدادى جانە داۋدى تريبۋنالدىڭ ودان ءارى قايتا قاراۋىنا جولدادى. تورەلىك شەشىمگە ءساتتى شاعىم جاساۋدى ەسكەرە وتىرىپ، تالاپكەرلەرگە قازاقستان رەسپۋبليكاسىنىڭ شىعىندارىن تولەۋ تاپسىرىلدى.

تالاپكەرلەر شاعىمدانۋ پروتسەسىندە كەلتىرىلگەن 500000 ا ق ش دوللارى شىعىنداردى قازاقستان رەسپۋبليكاسىنا تولەدى. وسى سوما مەملەكەتتىك بيۋدجەتكە ءتۇستى. قازاقستان ءۇشىن وڭ شەشىم ناتيجەسىندە، تالاپكەرلەر انگلياداعى تورەلىك شەشىمدى ورىنداۋعا قاتىستى تالابىنان باس تارتتى. وسى سەبەپتەن، تالاپكەرلەر قازاقستان رەسپۋبليكاسىنا كەلتىرىلگەن شىعىندى تولەۋگە مىندەتتى. قازىرگى ۋاقىتتا تاراپتار وسى شىعىنداردى وتەۋ تۋرالى ماسەلەنى تالقىلاۋدا.