اسقار مامين ماڭعىستاۋ وبلىسىنا جۇمىس ساپارى بارىسىندا ءبىرقاتار نىسانداردى ارالادى

ق ر پرەمەر-ءمينيسترى اسقار مامين «اقتاۋ اگرو» ج ش س قۇس فابريكاسىنا باردى، دەپ حابارلايدى قازاقپارات ۇكىمەتتىڭ باسپا ءسوز قىزەمتىنە سىلتەمە جاساپ.

كاسىپورىننىڭ قۋاتى جىلىنا 5 مىڭ توننا تاۋىق ەتىن قۇرايتىن ينكۋباتور سەحى، وندىرىستىك كەشەنى جانە قۇس سويۋ سەحى بار.

قۇس فابريكاسى ماڭعىستاۋ وبلىسىنىڭ ىشكى نارىعىنىڭ قۇس ەتىنە قاجەتتىلىگىن %50 قامتاماسىز ەتۋگە مۇمكىندىك بەرەدى. ءونىمنىڭ ءبىرىنشى پارتياسىن وسى جىلدىڭ ماۋسىم ايىنىڭ سوڭىندا ءوڭىردىڭ ساۋدا ورىندارىنا جەتكىزۋ جوسپارلانۋدا.

ينۆەستيتسيالاردىڭ جالپى كولەمى 5,7 ميلليارد تەڭگەنى قۇرايدى. كاسىپورىندا 90 نان استام تۇراقتى جۇمىس ورنى اشىلدى. مۇنايلى اۋدانىندا پرەمەر-مينيستر 85 گەكتار اۋماقتا سالىنىپ جاتقان «Aktau Green House « ج ش س جىلىجاي كەشەنىنىڭ قۇرىلىس جوباسىمەن تانىستى.

جوبا 2 كەزەڭدە جۇزەگە اسىرىلادى. ءبىرىنشى كەزەڭدە ينۆەستيتسيا كولەمى 26 ميلليارد تەڭگەنى قۇرايدى. بيىلعى جەلتوقسان ايىنا قاراي كاسىپورىندا 180 نەن استام جۇمىس ورنى قۇرىلادى، ال ءوندىرىس كولەمى جىلىنا 8 مىڭ توننا كوكونىستى قۇرايدى.

ەكىنشى كەزەڭدە - 2022-جىلدىڭ سوڭىنا قاراي جۇمىس ورىندارىنىڭ سانى 430 عا دەيىن، ال جىلىجاي كەشەنىنىڭ قۋاتى 13 مىڭ توننا ونىمگە دەيىن ۇلعايتىلادى.

ۇكىمەت باسشىسى حالىقارالىق اۋەجايدان اقتاۋ كۋرورتتىق ايماعىنا دەيىنگى جولدى رەكونسترۋكتسيالاۋ، رەسپۋبليكالىق ماڭىزى بار «جەتىباي - قۇرىق» اۆتوموبيل جولىن كۇردەلى جوندەۋ بارىسىن، سونداي-اق وڭىردەگى باسقا دا اۆتوجول جوبالارىنىڭ ىسكە اسىرىلۋىن تەكسەردى.

ا. مامين اقتاۋ قالاسىنىڭ تۋريستىك ينفراقۇرىلىمىنىڭ قۇرىلىس الاڭدارىن - تاقىرىپتىق ويىن-ساۋىق پاركىن، گولف-كلۋبىن، اپارتامەنتتەر مەن جالپى سانى 600 دەن استام ءنومىرى بار Fairmont، Hilton، Aqualina Resort برەندتەرىنىڭ قوناق ۇيلەرىن ارالادى.

ۇكىمەت باسشىسى جوسپارلانعان نىساندار قۇرىلىسىنىڭ ۋاقىتىلى ءارى ساپالى اياقتالۋىن قامتاماسىز ەتۋدى تاپسىردى. سونداي-اق جۇمىس ساپارى اياسىندا پرەمەر-مينيستر «ياسين» مەديتسينالىق ورتالىعىندا بولىپ، ءوڭىر تۇرعىندارىن كوروناۆيرۋس ينفەكسياسىنا قارسى ۆاكسينالاۋ بارىسىمەن تانىستى.