ۆاكسينا ءۇش كەزەڭدى سىناقتان وتەدى – اكادەميك
الماتى. قازاقپارات – ق ر كلينيكالىق جانە ىرگەلى مەديتسينا اكادەميگى، اسفەندياروۆ اتىنداعى قازۇمۋ ەپيدەميولوگيا كافەدراسىنىڭ پروفەسسورى ساكەن امىرەيەۆ ونلاين بريفينگ بارىسىندا «QazVac» ۆاكسيناسىنىڭ قاۋىپسىزدىگىن ايتتى، دەپ حابارلايدى قازاقپارات ءتىلشىسى.
«ۆاكسينا جاساۋ كەزىندە ول سىناقتىڭ ءۇش كەزەڭىنەن وتەدى. بىرىنشىسىندە، ونى جانۋارلارعا سالادى، ەكىنشىسى ەرىكتىلەرگە سالىنادى. ال، ۇشىنشىسىندە كوپتەگەن ادامعا سالىنادى. بۇل وتە جاۋاپتى ءىس، سوندىقتان وعان وتە مۇقياتتىلىقپەن قارايدى»، - دەيدى سپيكەر ساكەن امىرەيەۆ حالىق اراسىندا كوروناۆيرۋسكە قارسى ۆاكسيناعا قاتىستى سەنىمسىزدىك پەن قاۋەسەت بارىن ايتتى.
«ادامدار باسى نەمەسە تاعى ءبىر جەرى اۋىرسا ءدارىحانادان ءدارى الىپ، ەش ويلانباستان ىشە بەرەدى. ءبىراق ۆاكسيناعا كەلگەندە نەشە ءتۇرلى كۇماندار تۋىنداپ جاتىر. بۇل جەردە كۇماندانۋدىڭ قاجەتى جوق. حالىقتى كوروناۆيرۋستەن ساقتاپ قالاتىن ءبىزدىڭ قولىمىزدا قازىر ۆاكسينادان باسقا ەشتەڭە جوق. سوندىقتان قورىقپاي ۆاكسينانى سالدىرعان دۇرىس. ءيا، حالىق اراسىندا تەرىس پىكىر تاراتىپ جۇرگەندەر دە بار. 1980 -جىلدارى قاراشەشەك اۋرۋى تاراپ، ميلليونداعان ادام قىرىلدى. سول كەزدە وسى ۆاكسياننىڭ ارقاسىندا امان قالدىق. قاي كەزدە دە ۆاكسيناعا قارسى شىعاتىندار بولادى»، - دەدى ول.
پروفەسسور ۆاكسينا سالدىرماس بۇرىن وعان قارسى كورسەتكىشتەرى بار، جوعىن تەكسەرۋ كەرەكتىگىن، ياعني اللەرگيالىق رەاكسيانى تەكسەرۋ قاجەتتىگىن ايتتى.
اۆتور: الما مۇقانوۆا
