وتاندىق ۆاكسينانىڭ تيىمدىلىگى جوعارى - پروفەسسور

ونىڭ ايتۋىنشا، قازىر قولدانىلىپ جاتقان ەكى ۆاكسينادا سىناقتىڭ بارلىق تۇرىنەن وتكەن. ەكەۋىن دە قولدانۋعا دۇنيەجۇزىلىك دەنساۋلىق ساقتاۋ ۇيىمى رۇقسات بەردى.

«قازاقستاندا بۇعان دەيىن رەسەيلىك «سپۋتنيكV» ۆاكسيناسى سالىنىپ كەلدى. بۇل الەم بويىنشا ەڭ سەنىمدى ۆاكسينانىڭ ءبىرى دەپ سانالادى. سوندىقتان ونى الەمنىڭ 60 تان استام ەلى قولدانۋدا، ونىڭ ىشىندە قازاقستان دا بار. سونداي-اق ەلىمىز «QazVac» وتاندىق ۆاكسيناسىن جاساپ شىعاردى. ول دا قاۋىپسىز جانە تيىمدىلىگى جوعارى، وسى ەكى كريتەري قاتاڭ ساقتالعان. ويتكەنى ول بارلىق سىناقتان ءوتتى، سوندىقتان دۇنيەجۇزىلىك دەنساۋلىق ساقتاۋ ۇيىمى ونى قولدانۋعا رۇقسات بەردى»، - دەيدى پروفەسسور.

ساكەن امىرەيەۆ وتاندىق ۆاكسيناعا قاتىستى ويىن ءبىلدىردى.

«ەلىمىزدە سالىنىپ جاتقان ەكى ۆاكسينانىڭ قايسىسىن تاڭداۋ ول ءوز قالاۋىڭىزدا. دەگەنمەن ءبىز وتاندىق ءونىمدى قولداۋىمىز كەرەك»، - دەدى ول.

اۆتور: الما مۇقانوۆا