الماتىداعى اتىس: ون جەتىنشى قاباتتان سەكىرگەن كۇدىكتى مەرت بولدى
«وقيعا بارىسىندا تۇرعىن ءۇي كەشەنىنىڭ ءبىر كۇزەتشىسى جاراقات العانىن حابارلايمىز. بارلىعىنا مەديتسينالىق كومەك كورسەتىلدى. قىلمىس جاساعان كۇدىكتى 17-قاباتتان سەكىرىپ، مەرت بولدى. وقيعا ورنىندا جەدەل جاردەم قىزمەتىنىڭ 4 بريگاداسى كەزەكشىلىك ەتتى. زارداپ شەككەندەر قوعامدىق دەنساۋلىق ساقتاۋ باسقارماسىنىڭ مەديتسينالىق ۇيىمىنا جەتكىزىلدى. ولاردىڭ جاي- كۇيى جايىندا اقپارات قوسىمشا جاريالانادى» دەدى باسقارمادان.
ەسكە سالا كەتەيىك، بۇگىن الماتىدا تۇرعىن ءۇي كەشەنىنىڭ كۇزەتشىسى اڭشىلىققا ارنالعان مىلتىقتان جاراقات العان بولاتىن. پوليتسيا دەپارتامەنتىنىڭ مالىمەتىنشە، كۇزەتشى مەن بەلگىسىز ەر ادامنىڭ اراسىندا تۋىنداعان جانجال سالدارىنان كۇزەتشىنىڭ اياعى اڭشىلىق مىلتىقتان جارالانعان. كۇزەتشى اۋرۋحانادا جاتىر. پوليتسيا تۇرعىن ۇيدەگى پاتەرگە تىعىلعان اتقىشپەن كەلىسسوز جۇرگىزگەن بولاتىن. قارۋلى ادام كەلىسسوزدەن باس تارتتى. وعان قوسا، ول باسپالداق الاڭىنا قاراي 10 نان استام وق اتقان. كەيىننەن كۇدىكتى تەرەزەدەن سەكىرىپ كەتتى.
