ىبىراي التىنسارين تۋرالى جاڭا جيناق جارىق كوردى

«بۇگىنگى شارا ىبىراي التىنساريننىڭ 180 جىلدىعىنا بايلانىستى ۇيىمداستىرىلعان. بۇل - ارينە باستاماسى. جالپى ونىڭ وتاندىق ءبىلىمنىڭ دامۋىنا قوسقان ۇلەسى، ەل تاريحىنداعى ورنى ءالى دە جەتكىلىكتى زەرتتەلمەدى، باعالانباي كەلەدى دەپ ويلايمىن. ۇلتتىڭ ۇلى ۇستازى اتانعان ادامدى قالاي ۇلىقتاسا دا، ارتىق ەتپەيدى»، - دەدى كىتاپ اۆتورى تىلشىلەرگە بەرگەن سۇحباتىندا.

ونىڭ ايتۋىنشا، قازاق بالالار ادەبيەتىنىڭ اتاسى اتانعان ءالتىنساريننىڭ ەنتسيكلوپەدياسى ءالى شىقپاعان. قازاق بالالار ادەبيەتىنىڭ اتاسى دەلىنەتىن ى. التىنساريننىڭ اتى قازاقستان جازۋشىلار وداعى شىعارعان انىقتامالىقتا دا جوق.

«مەن 30 جىل بويى ىبىراي ءالتىنساريننىڭ ءومىرى مەن شىعارماشىلىعىن زەرتتەدىم، 13 كىتاپ شىعاردىم. ءار كىتاپ شىققاندا تاعى ءبىر جاڭالىقتاردى تاۋىپ الامىن. بۇگىنگى «ىبىراي جولى» كىتابى 800 بەتتەن، 6 تاراۋدان تۇرادى. مەملەكەتتىك ارحيۆتەن باستاپ، ومبى، ماسكەۋ، قازان، ىبىراي وقىعان ورىنبور اريحۆتەرىنەن الىنعان تىڭ مالىمەتتەر ەنگىزىلگەن.

بۇل ەڭبەك سونىسىمەن قۇندى. مىسالى، ىبىرايدىڭ ساتەمىر حان دەگەن اڭگىمەسى بار. سول ساتەمىر حان سۇراستىرا كەلە، اقساق تەمىر بولىپ شىقتى. حاننىڭ كوپ كەزىگە بەرمەيتىن ەسىمىن بىلگەنى دە - ىبىرايدىڭ دانىشپاندىعى»، - دەيدى زەرتتەۋشى.

ايتا كەتەيىك، جيىن بارىسىندا قوستاناي وبلىستىق ىبىراي التىنسارين مەموريالدىق مۋزەيىنىڭ «دالانىڭ دارا ۇستازى» كوشپەلى كورمەسى اشىلدى جانە «ءۇمىت ەتكەن كوزىمنىڭ نۇرى بالام...» اتتى دوڭگەلەك ۇستەل ءوتتى.