پاندەميا الماتىدا ينتەرنەت- ساۋدانىڭ دامۋىنا سەرپىن بەرگەن

ونىڭ ايتۋىنشا، قالادا ءبىرىنشى توقساندا تاۋار اينالىم 2 984,1 ميلليارد تەڭگەنى بولدى. ناقتى كولەمىنىڭ يندەكسى - % 96,1. ونىڭ ىشىندە بولشەك ساۋدا تاۋار اينالىمى 801,2 ميلليارد تەڭگەنى، ناقتى كولەمىنىڭ يندەكسى - % 98,6- دى قۇراعان.

«بۇل رەتتە، ازىق- تۇلىكتىك تاۋارلارىن ساتۋ % 0,9- عا ارتتى، ازىق- تۇلىكتىك ەمەس تاۋارلارىن ساتۋ % 2,1- عا تومەندەدى. سونىمەن بىرگە، كومپيۋتەر، فارمونىمدەر، قۇرىلىس ماتەريالدارى، كيىم جانە اياق كيىمدەر ساتىلىمىنىڭ وسكەنى بايقالادى. تاۋارلاردىڭ كەڭ ءتۇرى ساتىلىمىنىڭ تومەندەگەنىنە (ناقتى كولەمىنىڭ يندەكسى - % 91,2، ۇلەسى - % 26,5) قاراماستان، قۇلدىراۋدىڭ جالپى قارقىنى قىسقارۋدا»، - دەدى ول.

سونىمەن قاتار، ازىق- تۇلىكتىك تاۋارلارىن ساتۋدىڭ ناقتى كولەمىنىڭ يندەكسى % 77,2- دى، ازىق- تۇلىكتىك ەمەس تاۋارلار بويىنشا - % 105,5- دى قۇرادى. بۇل رەتتە قۇرىلىس ماتەريالدارىنىڭ ساتىلىمى % 5,4- عا، اۆتوموبيلدەر ساتىلىمى % 3,3- عا، تاۋارلاردىڭ كەڭ ءتۇرىنىڭ ساتىلىمى % 8,7- عا ارتقان.

«ازىق- تۇلىكتىك ەمەس تاۋارلار بويىنشا ساتىلىمنىڭ قۇلدىراۋى مىنا ونىمدەردە بايقالادى، ماسەلەن ديزەل وتىنى % 0,8- عا، سىرتقى جابدىقتار % 1,2- عا تومەندەدى. دەگەنمەن وسى جىلعى ساۋىردە ساتىلىمنىڭ وڭ سەرپىنى ساقتالۋدا جانە ساۋدا سالاسى ءارى قاراي وسەدى دەگەن بولجام بار. ساتىلىمنىڭ وسۋىنە اسەر ەتىپ وتىرعان نەگىزگى سەبەپ، قازىرگى ۋاقىتتا ساۋدا نىساندارى ءۇشىن جەڭىلدىك جاساۋ، سونداي- اق كيىم، اياق كيىم سەكىلدى ازىق- تۇلىكتىك ەمەس تاۋارلارعا دەگەن ماۋسىمدىق سۇرانىس بولىپ وتىر. سونىڭ نەگىزىندە، بولشەك ساۋدا ءوسىمى % 4- دان استام كورسەتكىشكە، ونىڭ ىشىندە، ازىق- تۇلىكتىك تاۋارلار % 1,6- عا، بۇل 323,6 ميلليارد تەڭگە، ازىق- تۇلىكتىك ەمەس تاۋارلار % 5,2- عا، ياعني 769,6 ميلليارد تەڭگەگە وسەدى دەگەن بولجام بار»، - دەدى باسقارما باسشىسى.

كوتەرمە ساۋدا تاۋار اينالىمى 2 182,9 ميلليارد تەڭگەنى، ناقتى كولەمىنىڭ يندەكسى - % 97,6- دى قۇراعان. ال، جالپى قازاقستان بويىنشا كولەمى - 5139,1 ميلليارد تەڭگە، ناقتى كولەمىنىڭ يندەكسى - % 99,5 ەكەن.

ەركەبۇلان ورازاليننىڭ ايتۋىنشا، پاندەميا الماتىدا ينتەرنەت- ساۋدانىڭ دامۋىنا سەرپىن بەردى. قالا تۇرعىندارى تاۋارلاردى ساتىپ الۋدىڭ وسى تۇرىنە كوبىرەك جۇگىنۋدە. سونىمەن قاتار، ونلاين- ساۋدا ساتۋدىڭ بارلىق سالالارىندا - كيىم مەن سپورت تاۋارلارىنان باستاپ تۇرمىستىق تەحنيكاعا نەمەسە ازىق- تۇلىككە دەيىن دامىپ كەلەدى.

اۆتور: الما مۇقانوۆا