12:15, 23 - ءساۋىر 2021 | GMT +6
قىتايداعى زاۋىتتا ءورت شىعىپ، سەگىز ادام حابار-وشارسىز كەتتى
شاڭحاي. شينحۋا-قازاقپارات - سەگىز ادام، ونىڭ ىشىندە ەكى ءورت ءسوندىرۋشى بەيسەنبى كۇنى شاڭحاي زاۋىتتارىنىڭ بىرىندە شىققان ورتتەن حابار-وشارسىز كەتكەن، دەپ حابارلايدى قازاقپارات شينحۋا اگەنتتىگىنە سىلتەمە جاساپ.
ءورت شامامەن 13:30-دا جينشان ايماعىندا ورنالاسقان ەلەكتروندى بولشەكتەر شىعاراتىن زاۋىتتا بولدى. جەرگىلىكتى اكىمشىلىكتىڭ حابارلاۋىنشا، ءورت وشاعى ءسوندىرىلدى. ءورتتىڭ سالدارىنان زاۋىتتىڭ التى قىزمەتكەرى مەن ەكى ءورت ءسوندىرۋشىنىڭ حابار- وشارسىز كەتكەنى انىقتالدى. قازىرگى ۋاقىتتا وقيعا ورنىندا ىزدەستىرۋ- قۇتقارۋ وپەراتسياسى جالعاسۋدا.