سەرىك جۇمانعارين باسپانا باعاسى قاشان تۇراقتايتىنىن ايتتى

تۇرعىن ءۇي نارىعىنداعى باسپانا باعاسىنىڭ ءوسۋى ماسەلەسىنە توقتالعان اگەنتتىك باسشىسى، وسى ورايدا يندۋستريا جانە ينفراقۇرىلىمدىق دامۋ مينيسترلىگىندەگى ماماندارمەن سالاداعى جاعداي تالقىلانعانىن جەتكىزدى.

بۇل رەتتە اتالعان مينيسترلىك تاراپىنان ءتيىستى ەرەجەلەرگە وزگەرىستەر ەنگزىلىپ جاتىر. سونىمەن قاتار ول بيىل ماۋسىم ايىندا باسپانا باعاسىنىڭ ءوسۋى توقتاۋى مۇمكىن ەكەنىن ايتتى.

«ءبىزدىڭ جۇمىستارعا توقتالساق، نارىققا 11 حاتتاما جىبەردىك. قازىرگى كەزدە شىعىس قازاقستان وبلىسىندا باعا تومەندەدى. باعا كوتەرىلمەۋى ءۇشىن ءتيىستى قادامداردى جاسادىق. بىزدىڭشە، ماۋسىم ايىندا باعا ءوسۋدى تۇراقتاندىرامىز، ءبىراق باسپانا قۇنى تومەندەمەيدى. ونى ءتۇسىنۋ كەرەك»، - دەدى س. جۇمانعارين «قازاقپارات» ح ا ا» ا ق تىلشىلەرىمەن كەزدەسۋ بارىسىندا.

ەسكە سالا كەتەيىك، بيىل ءساۋىر ايىنىڭ ورتا كەزىندە يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى قايىربەك وسكەنبايەۆ جاڭا باعدارلاما ەنگىزىلگەننەن كەيىن تۇرعىن ءۇي باعاسى كوتەرىلە باستاعانىن ايتتى.

«باستاپقى نارىقتاعى تۇرعىن ءۇي قۇنى قاڭتاردا 3 پايىزعا، قايتالاما نارىقتاعى تۇرعىن ءۇي 17 پايىزعا قىمباتتادى. ناۋرىزدا باعانىڭ ءوسۋى توقتادى. ءبىرىنشىسى 0,5 پايىزعا، ال ەكىنشىسى ەكى پايىزعا قىمباتتادى. ءساۋىر مەن مامىر ايلارىندا ءوسىم توقتايدى، ال ماۋسىم مەن شىلدەدە باعالار تۇراقتانادى دەپ ويلايمىز»، - دەدى ق. وسكەنبايەۆ.