قازاقستان مەن وزبەكستان قىلمىسپەن كۇرەستە ءوزارا ءىس-قيمىلدى نىعايتادى
پەتروپاۆلدا ەر ادام اسكەري جاساققا شابۋىل جاساعان تاراپتار ەكىجاقتى ىنتىماقتاستىقتى تالقىلاپ، قىلمىسقا، زاڭسىز كوشى-قونعا، قۇقىق بۇزۋشىلىقتىڭ الدىن الۋعا، سونداي-اق سيفرلاندىرۋ مەن قازىرگى زامانعى قاۋىپسىزدىك جۇيەلەرىن ەنگىزۋگە قاتىستى كەڭ اۋقىمدى ماسەلەلەر بويىنشا پىكىر الماستى.
كەزدەسۋگە قاتىسۋشىلار ىشكى ىستەر ورگاندارىنىڭ شەكاراماڭى بولىمشەلەرىنىڭ ءوزارا ءىس-قيمىلىن ودان ءارى نىعايتۋعا نيەت ءبىلدىردى.
ايتا كەتۋ كەرەك، كوپتەگەن جىلدار بويى ەكى ەلدىڭ پوليتسەيلەرى ءبىر-بىرىنە قىلمىستىق ىستەر بويىنشا پراكتيكالىق كومەك كورسەتىپ كەلەدى، بىرلەسكەن ىزدەستىرۋ جۇمىستارى جولعا قويىلعان. ەرلان تۇرعىمبايەۆ قازاقستان ءىىم رەفورمالاۋ ۇدەرىسىندە ەكەنىن اتاپ ءوتتى. ىشكى ىستەر ورگاندارىن جاڭعىرتۋ جونىندەگى جول كارتاسى ىسكە اسىرىلۋدا.
«وزبەكستاندا دا، قازاقستاندا دا قىلمىسقا قارسى كۇرەستە اقپاراتتىق-كوممۋنيكاتسيالىق جۇيەلەر مەن وزىق سيفرلىق تەحنولوگيالاردى پايدالانۋعا كوپ كوڭىل بولىنەدى. ءبىزدىڭ ەلدەرىمىز اراسىندا ورتاق نارسە كوپ بولعاندىقتان، ءبىز قازاقستاندىق پوليتسيانى رەفورمالاۋ تاجىريبەسىنە قىزىعۋشىلىق تانىتامىز»، - دەدى ءمينيستردىڭ ورىنباسارى ناجميددين تۇراحودجايەۆ.
«ءبىزدىڭ پرەزيدەنتتەرىمىزدىڭ كۇش-جىگەرىنىڭ ارقاسىندا ەكى ەل اراسىنداعى ىنتىماقتاستىق سەنىم مەن ءوزارا كومەككە نەگىزدەلگەن. ارىپتەستىكتىڭ بەلگىلى ءبىر پراكتيكاسى پوليتسيا ۆەدومستۆولارى - ازاماتتاردىڭ قاۋىپسىزدىگىن قامتاماسىز ەتۋگە جاۋاپتى ورگاندار اراسىندا دا قالىپتاسقان. مەن بۇگىن ءبىزدىڭ ءوزارا ءىس-قيمىل اياسىن كەڭەيتۋگە مۇمكىندىگىمىز بار ەكەنىنە قۋانىشتىمىن. پوليتسيا قىزمەتىن تسيفرلاندىرۋ وقيعالارعا جانە ازاماتتاردىڭ وتىنىشتەرىنە جەدەل دەن قويۋعا مۇمكىندىك بەردى. سوندىقتان قازاقستاننىڭ ءى ءى م وسى سالاداعى ءوزارا تاجىريبە الماسۋدى قۇپتايدى»، - دەپ اتاپ ءوتتى كەزدەسۋ بارىسىندا مينيستر ەرلان تۇرعىمبايەۆ.
كەزدەسۋ قورىتىندىسى بويىنشا ەكى ەلدىڭ ۆەدومستۆولارى ىنتىماقتاستىقتىڭ كەلەشەگىن انىقتادى.
