قوردايداعى قاقتىعىس: قانداي جۇمىستار جۇرگىزىلدى

بۇگىن ب ا ق وكىلدەرىنە اۋدان اكىمى رۇستەم داۋلەت وسى ۋاقىت ارالىعىدا قانداي جۇمىستار جۇرگىزىلگەنىن ايتىپ بەردى، دەپ حابارلايدى قازاقپارات ءتىلشىسى.

«بىلتىر مەملەكەتتەن اۋدانداعى 392 جوباعا 35 ميلليارد تەڭگە ءبولىندى. ونىڭ ىشىندە 11 ميلليارد تەڭگەگە 22 اۋىل گازداندىرىلىپ، اۋدان بۇگىندە 95 پايىز گازبەن قامتىلدى. سول سياقتى، 6,9 ميلليارد تەڭگەگە كوشەلەر جوندەلدى»، - دەيدى اۋدان اكىمى.

قاقتىعىس كەزىندە ماسانشى، بۇلار باتىر جانە اۋحاتتى اۋىلدارىندا 65 نىسان زاقىمداندى، ونىڭ ىشىندە 46 تۇرعىن ءۇي، 18 كوممەرتسيالىق عيمارات، 1 قوسالقى عيمارات جانە 62 كولىك (47 جەڭىل ماشينا، 9 جۇك كولىگى، 2 تراكتور، 4 تىركەمە). بۇگىندە ولاردىڭ ءبارى مەملەكەت جانە دەمەۋشىلەر تاراپىنان قالپىنا كەلتىرىلدى.

ق ر «ازاماتتىق قورعاۋ تۋرالى» زاڭىنا سايكەس، ەڭ الدىمەن تۇرعىن ءۇي وتەلۋگە جاتادى. وسىعان بايلانىستى سمەتانى قايتا ەسەپتەۋ جۇمىستارى جۇرگىزىلدى. ناتيجەسىندە 213 ميلليون تەڭگەگە 54 -جىلجىمايتىن مۇلىك نىسانى جوندەلدى. بۇگىنگى كۇنى 51 نىساننىڭ قۇرىلىسى باستالدى (40 ءۇي، 11 كوممەرتسيالىق)، 39 دا (30 ءۇي، 9 كوممەرتسيالىق) قۇرىلىس تولىعىمەن اياقتالدى. قالعان 12 (10 ءۇي، 2 كوممەرتسيالىق) نىساندا جۇمىس 80% - عا ورىندالدى. قۇرىلىس جۇمىستارىنا بولىنگەن 213 ميلليون تەڭگەنىڭ 175,4 ميلليون تەڭگەسى جۇمسالدى. تۇرعىن ۇيلەردى تولىق قالپىنا كەلتىرۋ تامىز ايىندا، ال كوممەرتسيالىق نىسانداردى قىركۇيەكتە اياقتاۋ جوسپاردا. ورتتەن زارداپ شەككەن 39 وتباسىنا الەۋمەتتىك كومەك كورسەتۋ ءۇشىن وبلىستىق بيۋجەتتىڭ رەزەرۆىنەن 20677,8 تەڭگە ءبولىندى. ونىڭ ىشىندە ءار وتباسىنا 530,2 مىڭ تەڭگە (200 ا ە ك) تولەندى.

قايتىس بولعان ءبىر ازاماتتىڭ 960 مىڭ تەڭگە نەسيەسى تولەندى جانە جەرلەۋ راسىمىنە قارجىلاي كومەك كورسەتىلدى. سونىمەن قاتار، 9 دۇنگەن ۇلتىنىڭ وتباسىنا 250 مىڭ تەڭگە كولەمىندە ماتەريالدىق كومەك كورسەتىلدى. دۇنگەن ەتنومادەني بىرلەستىكتەرى تاراپىنان، سورتوبە جانە قاراكەمەر اۋىلدارىنىڭ تۇرعىندارى جانە قورداي اۋدانىنىڭ كاسىپكەرلەرى 4,7 ميلليون تەڭگە كولەمىندە ماتەريالدىق كومەك كورسەتتى. قايىرىمدىلىق كومەكتەن بولەك، «ق ر مۇگەدەكتىگى بويىنشا جانە اسىراۋشىسىنان ايرىلۋىنا بايلانىستى مەملەكەتتىك الەۋمەتتىك تولەمدەر تۋرالى» قازاقستان رەسپۋبليكاسىنىڭ 1997-جىلعى 16- ماۋسىمداعى زاڭىنا سايكەس مۇگەدەكتىگى بويىنشا جاردەماقى الۋعا بايلانىستى قايتىس بولعان ازاماتتاردىڭ ەكى وتباسىنا 15,2 ا ە ك نەمەسە 41621 تەڭگە تولەندى. سونداي-اق، 18 جاسقا دەيىنگى بالالارى بار قايتىس بولعان 9 وتباسى مۇشەلەرىنە اسىراۋشىسىنان ايرىلۋ جاعدايى بويىنشا جاردەماقى تاعايىندالدى.