مەملەكەت باسشىسى: سوتتىڭ قورىتىندى ۇكىمى جالپى قوعامعا دا تۇسىنىكتى بولۋى كەرەك
بۇل تۋرالى ق ر پرەزيدەنتى قاسىم-جومارت توقايەۆ رەفورمالار جونىندەگى جوعارعى كەڭەستىڭ بەسىنشى وتىرىسىندا ايتتى، دەپ حابارلايدى قازاقپارات.
قاسىم-جومارت توقايەۆ قىلمىستىق پروتسەستى رەفورمالاۋ تۋرالى ايتىپ، ازاماتتاردىڭ كونستيتۋتسيالىق قۇقىقتارىن قورعاۋدى قامتاماسىز ەتۋ جونىندەگى جۇمىستىڭ باسىمدىعىن اتاپ ءوتتى.
«ول ءۇشىن پروكۋرورلار مەن ادۆوكاتتاردىڭ سوتتا ءسوز جارىس جۇرگىزۋىنە شىنايى جاعداي جاسالۋى، سوت شەشىمدەرىنە شاعىمدانۋ مۇمكىندىكتەرىنىڭ كەڭەيتىلۋى، ءبىرىڭعاي سوت پراكتيكاسى قامتاماسىز ەتىلۋى ءتيىس. سوتتىڭ قورىتىندى ۇكىمى پروتسەسكە قاتىسۋشىلارعا دا، جالپى قوعامعا دا تۇسىنىكتى بولۋى كەرەك»، - دەدى مەملەكەت باسشىسى.
