گۇلشارا ءابدىقالىقوۆا وبلىس تۇرعىندارىنا ۇندەۋ جاسادى
وسىعان بايلانىستى ايماق باسشىسى گۇلشارا ءابدىقالىقوۆا تۇرعىندارعا ۇندەۋ جاسادى، دەپ حابارلايدى قازاقپارات ءتىلشىسى.
«بۇگىن وبلىسىمىز «قىزىل ايماققا» ەندى. بۇل قۋاناتىن جاعداي ەمەس. پاندەميا باستالعاننان بەرگى ۋاقىتتا وڭىردە 4890 جاعداي تىركەلگەن. الەمدى دۇرلىكتىرگەن ىندەتتىڭ بەتى قايتار ءتۇرى جوق. سوڭعى ۋاقىتتا ۆيرۋس جۇقتىرعانداردىڭ سانى تىم كوبەيىپ بارادى.
«قامىستى بوس ۇستاساڭ، قولىڭدى كەسەدى» دەيدى دانا حالقىمىز. ساقتىق شارالارىنا ءمان بەرۋدى ۇمىتساق، قوزگە كورىنبەيتىن تاجالدىڭ كەز كەلگەن ساتتە قاتەر توندىرەرى انىق. ونى تەك ساقتانۋ ارقىلى عانا جەڭە الامىز»، - دەدى وبلىس اكىمى.
وبلىس اكىمى وسى رەتتە جەرگىلىكتى مەكەمەلەردىڭ، حالىققا قىزمەت كورسەتۋ ورىندارىنىڭ باسشىلارى ۆيرۋس تەز تارايتىن ادامدار تىعىز جينالاتىن ورىنداردا، عيماراتتاردا حالىقتىڭ ساپىرىلىسىن رەتتەگەنى ءجون ەكەنىن اتاپ ءوتتى.
«دەنساۋلىق الدىمەن وزىمىزگە كەرەك. سوندىقتان، ءاربىر ادام وزىنە عانا ەمەس، وتباسىنا، تۋعان- تۋىسىنا، اينالاسىنداعى ادامدارعا زيانىن تيگىزبەۋى ءتيىس. توي-تومالاق، اس بەرۋ، باسقا دا كوپشىلىك جيىنداردى جاقسى كۇندەرگە قالدىرا تۇرايىق. دەنساۋلىعىمىز بارىنەن قىمبات ەكەنىن ۇمىتپاعانىمىز ءجون. قاراپايىم قاعيداتتى ەسكەرەيىك: ماسكا، انتيسەپتيك جانە ارا قاشىقتىقتى ساقتاۋ. ءقاۋىپتى ىندەتتىڭ ۇزاققا سوزىلماسى ءۇشىن وسى قاعيداتتاردى ەسكەرىپ، ءوز دەنساۋلىقتارىڭىزعا اسقان جاۋاپكەرشىلىكپەن قاراپ، كارانتين تالابىنا باعىنۋعا شاقىرامىن»، - دەلىنگەن وبلىس اكىمىنىڭ ۇندەۋىندە.
ەسكە سالساق، قىزىلوردادا كارانتين شەكتەۋى كۇشەيتىلۋى مۇمكىن.
