الەكسەي سوي ۆاكسيناتسيالاۋ دۇرىس جۇرگىزىلمەگەن وڭىرلەردى اتادى
«بۇگىندە وڭىرلەردە 188 مىڭ دوزا ۆاكسينا بار. ۆاكسينانى جەتكىزۋ كەستەگە سايكەس، كەزەڭ- كەزەڭمەن جوسپار بويىنشا جۇرگىزىلىپ جاتىر. اي سوڭىنا دەيىن 2 ميلليون ازاماتتى ۆاكسيناتسيامەن قامتاماسىز ەتۋ جوسپارلانعان. جۇمىس جالعاسۋدا»، - دەدى الەكسەي سوي.
ونىڭ اتاپ وتۋىنشە، وڭىرلەردەگى ۆاكسيناتسيانىڭ كۇندەلىكتى جوسپارىنىڭ ورىندالۋىنا مونيتورينگ جۇرگىزىلىپ وتىرادى.
«كەستەدەن ءۇش ءوڭىردىڭ، اتاپ ايتقاندا نۇر-سۇلتان قالاسىنىڭ، ماڭعىستاۋ مەن قاراعاندى وبلىستارىنىڭ قالۋى بايقالادى. وسىعان وراي اتالعان وڭىرلەردىڭ اكىمدىكتەرى ۆاكسيناتسيالاۋ كەستەسىنىڭ ساقتالۋىن قامتاماسىز ەتۋى قاجەت»، - دەدى مينيستر.
اۆتور: مارلان جيەمباي
