بالقاشتا كوپبالالى وتباسىلار ءۇشىن ەكوۇيلەر سالىنادى

«قوڭىرات» شاعىن اۋدانىندا ەنەرگيا ۇنەمدەيتىن 10 ەكوۇيدىڭ قۇرىلىسى ءۇشىن جەر تەلىمىن دايىنداۋ جۇرۋدە. كەلەسى اپتادا قۇرىلىس جۇمىستارى باستالادى. مۇنداعى پاتەرلەردى حالىقتىڭ الەۋمەتتىك وسال توپتارىنا جاتاتىن بالقاشتىقتار الادى.

بالقاش قالاسىنىڭ اكىمى وراز تاۋىربەكوۆ «جىلى ۇيلەر فابريكاسى» كومپانياسىمەن مەموراندۋمعا قول قويدى. قاراعاندىلىق ينۆەستورلار شەشىلمەيتىن قالىپتان تۇرعىن ءۇي سالادى. مۇنداي قۇرىلىس سەنىمدىلىكپەن، ۇنەمدىلىكپەن جانە بۇكىل قۇرىلىمدى سالۋدىڭ قاراپايىمدىلىعىمەن سيپاتتالادى. 200 شارشى مەترگە جۋىق ءبىر عيمارات ەكى وتباسىنا بولىنەدى.

ولار سۋ، كارىز جانە ورتالىق جىلۋ جۇيەلەرىنە قوسىلادى، قورشاۋلار قويىلادى. ينۆەستوردىڭ ايتۋىنشا، بالقاش كوشەسىندەگى ەكوۇي كۇزدىڭ سوڭىندا پايدالانۋعا بەرىلەدى. مۇنداي تۇرعىن ءۇي نۇر-سۇلتان مەن قاراعاندىدا بار.

بۇگىندە تۇرعىن ءۇي كەزەگىندە 1500 دەن استام بالقاشتىق تۇر. باسپانا ماسەلەسىن شەشۋ ءۇشىن قالا باسشىلىعى جەكە قۇرىلىس سالۋشىلاردى بەلسەندى تۇردە جۇمىلدىرۋدا.

2021-جىلعا ينۆەستورلارمەن التى مەموراندۋم جاسالدى. «قوڭىرات» شاعىن اۋدانىنان باسقا، قۇرىلىس 10-شاعىن اۋدان مەن شاشۋبايدا ءجۇرىپ جاتىر.