پروفەسسورلىق دارەجەدەگى وقىتۋشىلار قۇرامىنىڭ جالاقىسى قانشا
«قازىرگى كەزدە جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىنا (ج ج و ك ب ۇ) ديرەكتورلار كەڭەسىنىڭ شەشىمىمەن پايدانى زەرتحانالىق بازانى جاراقتاندىرۋعا، ج ج و ك ب ۇ- نىڭ ينفراقۇرىلىمىن دامىتۋعا، سونداي-اق پروفەسسورلىق- وقىتۋشىلىق قۇرمانىڭ (و پ ق) جالاقىسىن ارتتىرۋ ماسەلەسىن قاراۋعا ءبولۋ قۇقىعى بەرىلگەن. وسىلايشا، و پ ق- نىڭ جالاقىسىن ارتتىرۋ ماسەلەسى ج ج و ك ب ۇ- نىڭ قۇزىرەتىنە كىرەدى. و پ ق جالاقىسىنا قاتىستى جۇرگىزىلگەن ساراپتامالىق ساۋالناما ج ج و ك ب ۇ وقىتۋشىلارىنىڭ كوپشىلىگىنىڭ پىكىرى وقىتۋشىلار قۇرامىنىڭ بارلىق ساناتتارى ءۇشىن ەڭ تومەنگى جالاقىنى بەلگىلەۋ قاجەتتىگىن كورسەتتى»، - دەپ جازىلعان ەرالى توعجانوۆتىڭ جاۋابىندا.
ونىڭ ايتۋىنشا، ءبىلىم جانە عىلىم مينيسترلىگى جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىمەن بىرلەسىپ، و پ ق جالاقىسىن ودان ءارى ارتتىرۋ ءۇشىن ەسەپتەۋلەر جۇرگىزگەن. «ق ر ءبىلىم جانە عىلىم مينيسترلىگىنىڭ جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىنداعى پروفەسسورلىق وقىتۋشىلار قۇرامىنىڭ ۇسىنىلاتىن پەداگوگيكالىق جۇكتەمەسىن جانە ەڭ تومەنگى جالاقىسىن ايقىنداۋ تۋرالى» №122-بۇيرىعىمەن 680 اكادەميالىق ساعات جۇكتەمەسى كەزىندە شتاتتىق وقىتۋشىلارعا ۇسىنىلاتىن جۇكتەمە مەن ەڭ تومەنگى جالاقى بەلگىلەندى»، - دەيدى ۆيتسە-پرەمەر.
ناقتىراق ايتساق، بۇل مولشەر قاتارداعى وقىتۋشى ءۇشىن - 200000 تەڭگە، اعا وقىتۋشى ءۇشىن - 230000 تەڭگە، قاۋىمداستىرىلعان پروفەسسور ءۇشىن - 260000 تەڭگە، پروفەسسور ءۇشىن - 350000 تەڭگە، ۇلتتىق ج ج و ك ب ۇ- دا پروفەسسور ءۇشىن - 400000 تەڭگە.
«پروفەسسورلىق وقىتۋشىلار قۇرامىنىڭ پىكىرى بويىنشا، كورسەتىلگەن ەڭ تومەنگى جالاقى سوماسى جاس وقىتۋشىلاردى جوعارى ءبىلىم بەرۋ جۇيەسىنە تارتۋ، وقىتۋشىلاردى عىلىمي-زەرتتەۋ قىزمەتىنە ىنتالاندىرۋ جانە جالپى و پ ق- نىڭ ساپالىق قۇرامىن قالىپتاستىرۋ ءۇشىن جەتكىلىكتى بولىپ تابىلادى. سونىمەن قاتار قازاقستان رەسپۋبليكاسىندا ءبىلىم بەرۋدى جانە عىلىمدى دامىتۋدىڭ 2020-2025 -جىلدارعا ارنالعان مەملەكەتتىك باعدارلاماسىندا مەملەكەتتىك تاپسىرىس قۇنىن 2020 -جىلعى 1-قىركۇيەكتەن باستاپ ۇلعايتۋ كوزدەلگەن»، - دەيدى ەرالى توعجانوۆ.
اۆتور: ەسىمجان ناقتىباي