اۆتوبۋس جۇرگىزۋشىلەرى كىناسىنەن قانشا جول اپاتى بولدى

«قازىر ەلىمىزدە ءاربىر ءۇشىنشى اۆتوبۋس (84703 اۆتوبۋستىڭ 25823 ى) 20 جىلدان استام ۋاقىت بويى پايدالانىلىپ كەلەدى. اۆتوبۋس جۇرگىزۋشىلەرىنىڭ كىناسىنەن 87 جول-كولىك اپاتى ورىن الدى، وندا 9 ادام قازا تاۋىپ، 111 ادام جاراقات الدى»، - دەدى سەرىك ءتۇسىپوۆ مينيسترلىكتە وتكەن ونلاين بريفينگتە.

ونىڭ ايتۋىنشا، ەسكى اۆتوبۋستاردىڭ باسىم بولىگى (%71 نەمەسە 18346) جەكە تۇلعالاردىڭ يەلىگىندە كەزدەسەدى.

«ولار تۇراقتى ەمەس مارشرۋتتاردا جۇمىس ىستەيدى جانە كوپشىلىگى قاۋىپسىزدىك ەرەجەلەرىن بۇزا وتىرىپ قايتا جابدىقتالعان. جىل سايىن پوليتسيا قىزمەتكەرلەرى تۇراقتى ەمەس تاسىمالداۋعا پايدالانىلعان 500-700 گە جۋىق قايتا جابدىقتالعان اۆتوبۋستى انىقتايدى. سوندىقتان تەحنيكالىق اقاۋى بار نەمەسە قايتا جابدىقتالعان كولىكتى انىقتاۋ جۇمىستارى تۇراقتى نەگىزدە جالعاسادى»، - دەپ اتاپ ءوتتى سەرىك ءتۇسىپوۆ.

اۆتور: ايجان سەرىكجان قىزى