الماتىدا جۇمىسسىز ادامدار اراسىندا ۆيرۋس جۇقتىرۋ ارتقان

بۇل تۋرالى الماتى قالاسى سانيتارلىق-ەپيدەميولوگيالىق باقىلاۋ دەپارتامەنتىنەن ءمالىم ەتتى، دەپ حابارلايدى قازاقپارات ءتىلشىسى.

دەپارتامەنت تاراتقان مالىمەتكە سايكەس، جىل باسىنان بەرى قالادا ۆيرۋس جۇقتىرۋدىڭ 27730 جاعدايى تىركەلگەن. بۇل 100 مىڭ تۇرعىنعا شاققاندا 1362,9 كورسەتكىش. سوڭعى تاۋلىكتە 665 ادام كوروناۆيرۋس جۇقتىردى. تاۋلىكتەگى ءوسىم 1,4. مەديتسينالىق باقىلاۋدا ك ۆ ي-دىڭ بەلسەندى 4375 وشاعى، سونداي-اق 7006 تۇرعىلىقتى جەرى بويىنشا جاقىن بايلانىستا بولعان جانە جۇمىس ورنى بويىنشا 394 جاقىن بايلانىستا بولعان ادام بار. 1 جاسقا دەيىنگى بالالار اراسىندا سىرقاتتانۋشىلىق %0,5- عا، ياعني 1,3-تەن %1,8 عا دەيىن ارتتى.

«ال 14 جاسقا دەيىنگى بالالار اراسىندا ۆيرۋس جۇقتىرۋ 9,1 دەن %10,1 عا دەيىن، جاسوسپىرىمدەر اراسىندا 3,0 دەن %3,3- عا دەيىن ارتتى. سونداي-اق 60 جاستان اسقان ازاماتتار اراسىندا ۆيرۋس جۇقتىرۋ %23,7 دان %24,3 عا دەيىن ۇلعايدى»، - دەپ حابارلادى دەپارتامەنتتەن. سونداي-اق دەپارتامەنت سوڭعى كۇندەرى جۇمىسسىز جۇرگەن ازاماتتار اراسىندا ۆيرۋس جۇقتىرۋ جاعدايى ارتقانىن مالىمدەدى.

«سوڭعى 14 كۇندە كوروناۆيرۋس ينفەكسياسىنىڭ ەڭ كوپ تىركەلگەنى جۇمىس ىستەمەيتىن تۇرعىندار اراسىندا - %35 عا جەتتى، ءتۇرلى ج ش س، ج ك، ا ق قىزمەتكەرلەرى - %23، زەينەتكەرلەر اراسىندا - %17، وقۋشىلار اراسىندا - %6,2 جانە مەكتەپ جاسىنا دەيىنگى بالالار اراسىندا - %4 عا ارتتى. حالىقتىڭ قالعان ساناتتارى اراسىنداعى جاعدايدىڭ 0,3 تەن %2 عا دەيىن تىركەلدى»، - دەلىنگەن حابارلامادا.

اۆتور: الما مۇقانوۆا