كوروناۆيرۋسقا قارسى ءدارى-دارمەكتىڭ باعاسى قالاي رەتتەلەدى

«مەملەكەت باسشىسىنىڭ دارىلىك زاتتارعا باعانى تومەندەتۋ جونىندەگى تاپسىرماسىن ورىنداۋ ءۇشىن دەنساۋلىق ساقتاۋ مينيسترلىگى باسەكەلەستىكتى قورعاۋ جانە دامىتۋ اگەنتتىگىنىڭ ماقۇلداۋىمەن تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە جانە مىندەتتى الەۋمەتتىك مەديتسينالىق ساقتاندىرۋ جۇيەسىندە دارىلىك زاتتارعا، سونداي-اق مەديتسينالىق بۇيىمدارعا قويىلاتىن شەكتى باعالار مەن ۇستەمە باعالاردى رەتتەۋ، قالىپتاستىرۋ قاعيدالارىن بەكىتكەن. سول قاعيدادا كارانتين، توتەنشە جاعداي رەجيمى، الەۋمەتتىك مەديتسينالىق ساقتاندىرۋ جۇيەسىنىڭ توتەنشە جاعدايلارى كەزىندە شەكتەۋ شارالارى قالاي ىسكە اساتىنى كورسەتىلگەن»، - دەپ جازىلعان ەرالى توعجانوۆتىڭ جاۋابىندا.

ۇكىمەت باسشىسىنىڭ ورىنباسارى ەرەكشە ءتارتىپتى قولدانۋ كەزىندە شەكتى باعا كوتەرمە جانە بولشەك ساۋدا ءۇشىن ماركەتينگتىك شىعىنداردى ەسەپتەمەۋ (%30 مولشەرىندە)، سونداي-اق كوتەرمە ساۋدادا (20 دان %10 عا دەيىن) جانە بولشەك ساۋدادا (55 تەن %27,5 عا دەيىن) ۇستەمە باعالارىن ەكى ەسە تومەندەتۋ جولىمەن قالىپتاساتىنىن ايتادى.

«2020 -جىلعى 31-جەلتوقساندا د س م كوروناۆيرۋس ينفەكسياسىن ەمدەۋ حاتتاماسىنا كىرەتىن 370 پرەپاراتتىڭ شەكتى باعاسىن بەكىتتى. وسىلايشا، كوروناۆيرۋسقا قارسى بارلىق پرەپاراتقا ەرەكشە ءتارتىپ قولدانىلىپ وتىر. سونىڭ ناتيجەسىندە باعانىڭ تومەندەۋى نارىقتىق باعالارمەن سالىستىرعاندا %27 دى قۇرادى»، - دەدى ۆيتسە-پرەمەر.

اۆتور: ەسىمجان ناقتىباي