پرەزيدەنت تاپسىرماسى: قازاقستانداعى وقۋ ورىندارى تەكسەرىلىپ جاتىر

بۇل تۋرالى پرەزيدەنتتىڭ باسپا ءسوز حاتشىسى بەرىك ءۋالي ءوزىنىڭ Facebook پاراقشاسىندا جاريالادى، دەپ حابارلايدى قازاقپارات.

«بىلتىر مەن ديپلومدى وڭدى- سولدى ۇلەستىرۋمەن اينالىساتىن ءبىلىم مەكەمەلەرىن جابۋدى تاپسىرعان بولاتىنمىن. ءبىلىم بەرۋدى تابىستى بيزنەسكە اينالدىرعان ىقپالدى ادامداردىڭ قارسىلىعىنان بۇل جۇمىس باياۋ ءجۇرىپ جاتىر. ءبىراق پروبلەمانى شەشۋ كەرەك»، - دەگەن ەدى قاسىم- جومارت توقايەۆ 2020 -جىلدىڭ 1 - قىركۇيەگىندەگى حالىققا جولداۋىندا.

بەرىك ءۋاليدىڭ حابارلاۋىنشا، 2020 -جىلى 38 ج و و- عا پروفيلاكتيكالىق تەكسەرۋ جۇرگىزىلگەن. 14 ج و و- دا جۇمىسقا ورنالاستىرۋ كورسەتكىشتەرى تالاپ ەتىلەتىن نورماتيۆتەن تومەن بولعان. ال 2021 -جىلى 42 جوعارى وقۋ ورنىنا الدىن الا باقىلاۋ جۇرگىزۋ جوسپارلانىپ وتىر. جىل باسىنان بەرى 53 مىڭعا جۋىق ستۋدەنت ءبىلىم الاتىن 7 ج وو جابىلعان. ج و و وقىتۋشىلارى جۇمىسپەن قامتىلىپ، ستۋدەنتتەر باسقا جوعارى ءبىلىم بەرۋ مەكەمەلەرىنە اۋىستىرىلعان. سونىمەن بىرگە، ءۇش وقۋ ورنى باس ليتسەنزياسىنان ايىرىلعان.

ولار:

- 35 مىڭعا جۋىق ستۋدەنتى بار ايماقتىق الەۋمەتتىك- يننوۆاتسيا ۋنيۆەرسيتەتى.

- 5 مىڭنان استام ستۋدەنتى بار م. تىنىشپايەۆ اتىنداعى قازاق كولىك جانە كوممۋنيكاتسيالار اكادەمياسى.

- قازاق مەديتسينالىق ۇزدىكسىز ءبىلىم بەرۋ ۋنيۆەرسيتەتى (ج و و اتالعان شەشىمگە شاعىمداندى، قازىرگى ۋاقىتتا سوت پروتسەسى ءجۇرىپ جاتىر).