ميالى قورعانىنان تابىلعان ساۋىتتى ادامنىڭ باس سۇيەگى ماجارستاندا قالپىنا كەلتىرىلەدى

اتىراۋ. قازاقپارات - اتىراۋ وبلىسىنداعى ميالى قورعانىنان تابىلعان تەمىر ادامنىڭ باس سۇيەگى ماجارستاندا قالپىنا كەلتىرىلەدى، دەپ حابارلايدى قازاقپارات.

«قىرىم ارالى» عىلىمي- رەستاۆراتسيالىق زەرتتەۋ ورتالىعىنىڭ جەتەكشىسى قىرىم التىنبەكوۆتىڭ مالىمەتىنشە، بىلتىرعى ماۋسىم- شىلدەدە اتىراۋ وبلىستىق تاريحي- ولكەتانۋ مۋزەيىنىڭ ماماندارى ميالى قورعانىنا جۇرگىزىلگەن قازبا جۇمىسى كەزىندە تەمىر ساۋىتتى ادامنىڭ سۇيەگىن تاپقان. سۇيەك 3 مەتر تەرەڭدە ساقتالعان. ونىمەن بىرگە، ۇزىندىعى 1 مەتر سەمسەر، تاباق مەن وزگە دە زاتتار شىققان.

«تەمىر ساۋىتتى ادام ەل تاريحىنا قوسىلاتىن قۇندى جادىگەر. سول سەبەپتەن، تاريحي جادىگەردىڭ قۇندىلىعىن جويىپ الماۋ ءۇشىن وعان انتروپولوگيالىق، د ن ك زەرتتەۋلەر جۇرگىزۋ قاجەت بولدى. زەرتتەۋ جۇمىسى بيىلعى قاڭتاردا باستالدى. الايدا، ەلىمىزدە سۇيەكتەردىڭ مورفولوگيا جانە مەتريكا اناليزىن قامتيتىن انتروپولوگيا تالداۋىن جۇرگىزەتىن ارنايى ماماندار جوق. سوعان بايلانىستى ماجارستاننان جاراتىلىستانۋ سالاسىنىڭ عىلىمي قىزمەتكەرلەرى شاقىرتىلدى. تەمىر ساۋىتتى ادامنىڭ باس سۇيەگىن قايتا قالپىنا كەلتىرۋ ءۇشىن كەيبىر بولىكتەرى سول ەلدەگى جاراتىلىستانۋ عىلىمي ورتالىعىنا جىبەرىلدى»، - دەدى قىرىم التىنبەكوۆ.

ەسكە سالا كەتەلىك، بىلتىر اتىراۋ وبلىسىندا تەمىر ساۋىتتى جاۋىنگەر تابىلعان بولاتىن.

اۆتور: بەك مۇستافا