قازاقتىڭ نۋريكامالى دۇنيەدەن ءوتتى
نۇر-سۇلتان. قازاقپارات - قازاقستاننىڭ ەڭبەك سىڭىرگەن قايراتكەرى نۋريكامال سەيىتجان قىزى دۇنيە سالدى، دەپ حابارلايدى Egemen.kz.
نۋريكامال سەيىتجان قىزى 1949 -جىلى 12-ناۋرىزدا اقمولا وبلىسى دەرجاۆين اۋدانىنىڭ براتوليۋبوۆكا اۋىلىندا تۋعان. ۇزاق جىلدار لاۋازىمدى قىزمەتتەر اتقارعان.
ەل اراسىندا كەڭ تانىلعان «نۋريكامال» ءانىنىڭ كەيىپكەرى. ءاننىڭ ءسوزىن جازعان - ءحانبيبى ەسەنقارا قىزى، ءان اۆتورى - تۇردىقىلىش ىزتايەۆ. ولار ەرلى- زايىپتى جاندار. ءان 1988 -جىلى جارىق كورگەن. نۋريكامالعا عاشىق بولىپ قالعان تۇردىقىلىش ىزتايەۆ وسى ءاندى جازادى. ول كەزدە وتباسىنىڭ ءۇش بالاسى بولعان.
ءحانبيبى ەسەنقارا قىزى ءبىر كۇنى جارىنىڭ پيانينو جانىندا وتىرعانىن كورەدى. جارىنىڭ نۋريكامال ەسىمدى بويجەتكەنگە عاشىق بولىپ قالعانىن بىلەدى. سول ساتتە جارىنىڭ اتىنان نۋريكامالعا ولەڭ جازىپ، «ايتقىڭ كەلگەنى وسى ما ەدى؟» دەپ ولەڭدى جولداسىنا ءوزى اكەلىپ بەرگەن ەكەن.
بۇگىندە بۇل ءان حالىققا جۇبانىش جەكسەن ۇلىنىڭ ورىنداۋىمەن كەڭىنەن تانىمال.
