كوروناۆيرۋسقا قارسى ءارتۇرلى ۆاكسينا سالدىرۋعا بولا ما
«كەز كەلگەن ادام ءبىر ۆاكسينانى العان جاعدايدا، ءسوزسىز كەلەشەكتە ونىڭ تيىمدىلىگى بولادى. بۇل مەرزىم اياقتالعان سوڭ، ادامدار باسقا ۆاكسينانى دا ەكتىرە الادى. بۇل جاعدايدا اعزادا ەشقانداي اسقىنۋ بولمايدى، ەڭ باستىسى، ءبىر ۋاقىتتا ەكى ۆاكسينا سالدىرۋعا بولمايدى. الايدا، ءىس جۇزىندە بۇل ماسەلە الەمدە زەرتتەلمەگەن. الەم بويىنشا ادام بىردەن ەكى ۆاكسينانى السا، اعزا قالاي جاۋاپ بەرەدى دەگەن زەرتتەۋ جۇرگىزىلمەگەن. ياعني، بۇل ءبىزدىڭ قۇزىرەتىمىزدە ەمەس»، - دەپ جاۋاپ بەردى ق ر ءبىلىم جانە عىلىم ۆيتسە-ءمينيسترى ميراس داۋلەنوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
«ءار ءتۇرلى ۆاكسينالارمەن ەكى رەت ەكپە الۋعا قاتىستى - ءىس جۇزىندە مۇنداي زەرتتەۋلەر بولعان جوق، بۇل سۇراقتاردى ينفەكسيونيستەرگە، وسى باعىتتا عىلىمي زەرتتەۋلەر جۇرگىزەتىن مەديتسينا قىزمەتكەرلەرىنە جىبەرۋ كەرەك. ءبىزدىڭ سالامىز - ازىرلەپ شىعارۋ. ۇسىنىمدار بەرۋ ءبىزدىڭ قۇزىرەتىمىز ەمەس»، - دەپ جاۋاپ بەردى ق ر ب ع م بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتىنىڭ باس ديرەكتورى كۇنسۇلۋ زاكاريا.
اۆتور: ايجان سەرىكجان قىزى
